ԳԻՏԵԼԻՔՈՎ ՔԱՅԼԵՆՔ ԱՌԱՋ:

Դպրոցի ներքին գնահատում 2017 - 2018

Արխիվ  2018-2019թթ.

Ավարտական ղողանջները 186-ում…

Ահա և վերջ…
Եվս մի ավարտ, որ կդառնա սկիզբ…
186-ում հնչեց ՎԵՐՋԻՆ ԴԱՍՆ ազդարարող ղողանջը:
Բակում գույների շքերթ էր, սպասումի, ժպիտների, բարեմաղթանքների իսկական հրավառություն: Ծնողներ, հյուրեր, ուսուցիչներ…>>> 

ՆՐԱՆՔ ԳՆԱՑԻՆ, ՈՐ ՄԻ´ՇՏ ՄՆԱՆՔ ...

17. 05. 2019 թվական. դպրոցում օդը հագեցած է ցավով, հաղթանակի ցնծությամբ, ափսոսանքով, հպարտությամբ, հայրենիքի  փառաբանության զգացողությամբ…
Լուռ իրարանցում է:
Միջոցառումը մեկն է, ասելիքն ու անելիքը՝ շատ,  անսպառ. պետք է լինել  կարճ ու դիպուկ:
Միջոցառումը նվիրված է հայ ժողովրդի հաղթական պատմության Սարդարապատ-Արցախ հատվածին, այդ ճանապարհը կերտած հերոսներին, 186-ի հավերժ աշակերտ Արամ Ճաղարյանի հիշատակին.....>>>
 

Հայտարարություն

​"Առցանց կենդանաբանական այգի" խմբակի աշխատանքներն իրականացվում են "Համագործակցություն հարակից դպրոցների հետ" և "eTwinning" միջազգային դպրոցական ծրագրի շրջանակներում։
Երևանի կենդանաբանական այգու բացման օրը խմբակում ներգրավված հ.198 ավագ դպրոցի և հ.186 սաները հանդես եկան որպես էքսկուրսավարներ` այգու այցելուներին ներկայացնելով հետաքրքիր տեղեկություններ կենդանատեսակների վերաբերյա․․․>>>

Գրքի քննարկում

   Ապրիլի 23-ին դպրոցի նիստերի դահլիճում վեցերորդցիներն էին /ուսուցիչներ՝ Հ. Կարապետյան, Ա. Մալխասյան, Գ. Գալստյան/: 
Գրքի քննարկում էր՝ Ռ. Բախի ՙՙՋոնաթան Լիվինգսթոն ճայը՚՚: Ընթերցել էին ստեղծագործությունը, եկել էին արտահայտելու իրենց զգացումներն ու մտքերը: 
Նովելը մի ճայի մասին է, որը սովորում էր կյանքն ու թռիչքը և ձգտում ինքնակատարելագործման....>>> 

18.04.2019թ. հ. 186 հիմն. դպրոցի դահլիճում տեղի ունեցավ 1բ դասարանի «Բզեզների դպրոց» վերնագիրը կրող միջոցառումը: Դասարանի աշակերտները ցուցադրեցին իրենց պատկերացմամբ բզեզների համար կազմակերպված ուսումը, ինչպես նաև ներկայացրեցին իրենց 1 տարվա ստացած գիտելիքները: 

Մասնակցություն համապետական շաբաթօրյակին

Մարտի 20-ին IVբ դասարանի սովորողները դասվար Ս. Իսկանդարյանի ուղեկցությամբ այցելեցին Մ. Մաշտոցի անվան Մատենադարանը:
Աշակերտները ձեռագրային շտեմարանում տեսան մագաղաթե ձեռագրեր, հուշամատյաններ, առանձին մանրանկարներ, օտարալեզու ձեռագրեր նաև թանկարժեք կազմերի նմուշներ:
Էքսկուրսիայի նպատակն էր սովորողներին հաղորդակից դարձնել մեր հնագույն և դարավոր պատմությանը, հետաքրքրություն առաջացնել մեր ազգային արժանիքների նկատմամբ:

Մարտի 4-ին ,,Էրեբունի,, պլազայում տեղի ունեցավ ,,Ձեռնարկատիրական մտածելակերպի զարգացումը դպրոցներում,, ծրագրի շրջանակում ամփոփիչ միջոցառումը, որին մասնակցեցին դպրոցի 9-րդ դասարանի աշակերտները: Ծրագրի նպատակն էր ձեռնարկատիրական մտածելակերպի խթանում և զարգացող մասնագիտությունների հանդեպ հետաքրքրության բարձրացում:

Մարտի 1-ին 9-րդ դասարանի սովորողները այցելեցին Վազգեն Սարգսյանի անվան Ռազմական ինստիտուտ բանակ - դպրոց կապը ամրապնդելու նպատակով: 
Այցի ընթացքում աշակերտները ծանոթացան կուրսանտների առօրյաին, այցելեցին թանգարան, լսեցին մարտավարության հիմունքների մասին դասախոսություն:

   2019 թ. փետրվարի  28-ին տեղի ունեցավ ծնողական  խորհրդի  նիստ, որին  մասնակցում են 32 դասարանների ծնողական խորհուրդների նախագահնե-րից  28-ը:  Խորհրդակցական  ձայնի  իրավունքով   նիստին  մասնակցում  են  դպրոցի տնօրեն  Մարինե  Քոչարյանը,  ՄԿԱ  գծով տնօրենի տեղակալ Մարինե Պողոսյանը:                                   Օրակարգում դպրոցի  կառավարման  խորհրդի  կազմում  ծնողական  խորհրդի երկու  անդամի    ընտրության հարցն էր։   Փակ քվեարկությամբ ընտրության արդյուն-քում  Ծնողական խորհրդի կազմից կառավարման խորհրդի կազ-մում ընտրվեցին   Լիլիթ Շահվերդյանը  և   Տաթե-վիկ Մելքոնյանը։   

<<Հայաստանի Ժամանակակից Հնգամարտի Ազգային Ֆեդերացիայի>> կողմից 2019թ.- փետրվարի 23-24-ըանցկացվեց միջդպրոցական առաջնություն <<Վազք - Լազերային հրաձգություն, մարզաձևերից, որին մասնակցում էին մեր դպրոցի 18 սովորողներ: Համառ և թեժ պայքարում մեր դպրոցի 5 սովորողներ՝
Պողոսյան Աննա 9ա դասարան
Արևշատյան Մարիամ 8ա դասարան
Իսոյան Ռամելա 6գ դասարան
Կարապետյան Մարիամ 5ա դասարան
Բաշյան Էրիկ 4բ դասարան
​անցան համայնքային փուլ:

Մայրենիի տոնը IVբ դասարանում
Սովորողները մայրենիի տոնի առթիվ սիրով ներկայացրին իրենց գիտելիքները մայրենիից: Հիշեցին ասույթներ, բանաստեղծություններ, ներկայացրին առակը լեզվի մասին: Երդվեցին անաղարտ պահել մայրենին:   

---

    Հ. Թումանյանի ծննդյան 150-ամյակի տոնակատարության շրջանակում իրականացված միջոցառումներին ակտիվ մասնակցություն ցուցաբերեցին և թումանյանական շունչն ու խոսքը շրջապատին փոխանցեցին 1ա, 1բ, 2բ, 3գ, 4գ, 4դ, 5ա, 6ա, 7ա, 7բ, 8գ դասարանները և արժանացան շնորհակալագրի: Նկարները տես այստեղ....>>>

Լոռին, Թումանյանը, 186-ը…

Փետրվարի 19, 2019 թվական: Մտնում էիր դպրոց ու չնայած ձմռան ամսին՝ Լոռվա շունչն էիր զգում. վարարած Դեբեդի վշշոց ու անտառների խուլ շառաչ. երեխաներն էին սառած բնությունը կենդանացրել իրենց ոգևորությամբ ու աշխուժությամբ..>>>

Փետրվարի 15-ին IVդ դասարանի աշակերտներն այցելեցին Կոմիտասի թանգարան՝ մասնակցելու <<ԿենԹո-150՝ Կոմիտաս-150, Թումանյան-150,  1869-2019>> կրթական հարցախաղին:
Երկու հանճար՝ Կոմիտաս և Թումանյան, որոնք իրենց ծնունդով հատված-հատված գծեցին մեր ժողովրդի հոգևոր Հայրենիքի սահմանները՝ տիեզերքի չափ մեծ ու անծայրածիր...>>>

---

Փետրվարի 16-ին 2բ դասարանի աշակերտները դասվար Գ. Մարգարյանի ուղեկցությամբ այցելեցին <<Գաֆէսճեան>> արվեստի կենտրոն: Արվեստի կենտրոնի <<Խանջյան>> սրահն իր հյուրընկալ դռները բացեց երկրորդցիների առջև: Նրանք ծանոթացան 250 ք.մ. մակերեսով ընդարձակ սրահում գտնվող մեծանուն նկարիչ Գրիգոր Խանջյանի մոնումենտալ որմնանկարին, որը պատկերում է Հայոց պատմության կարևորագույն էջերը...>>>

2019թ. հունվարի 31-ին հ. 186 հիմնական դպրոցի 9ա դասարանի աշակերտներ Մաճկալյան Ալբերտը և Օհանյան Աշոտը մասնակցեցին ՀՀ բանակի 27-րդ տարելիցի և Նոր Նորքի շախմատի մանկապատանեկան մարզադպրոցի բացման օրվան նվիրված արագ շախմատի մրցաշարին, որը կազմակերպվել և անց էր կացվում վերոնշյալ մարզադպրոցում: Մրցաշարը անց կացվեց 5 փուլով, որոնց ընթացքում դպրոցները ներկայացնող աշակերտները մրցում էին միմյանց հետ: Մրցաշարն անցավ ընկերական միջավայրում, աշակերտները ունեցան նոր շփումներ և ծանոթություններ:

   Հունվարի 18-ին IVդ դասարանի աշակերտներն այցելեցին Հայաստանի Ազգային Պատկերասրահ: Պատկերասրահի մեծ սրահներում դիտեցին գեղանկարիչների՝ Վ. Սուրենյանցի, Գ. Բաշինջաղյանի,   Մ. Սարյանի,  Ե. Թադևոսյանի, Հ. Հովնաթանյանի ստեղծագոր-ծությունները: 
    Հայաստանի այդ խոշորագույն գեղարվեստական օջախը մեծ տպավորություն թողեց երեխաների վրա:  Նկարները տես այստեղ....>>>

IVդ դասարանի աշակերտները այցելեցին Մեսրոպ Մաշտոցի անվան Մատենադարան: Սովորողները Մատենադարանի ձեռագրային շտեմարանում տեսան ձեռագրերի պատառիկներ, վավերագրեր, հնատիպգրքեր, թանկարժեք կազմերի նմուշներ, առանձին մանրանկարներ, ինչպես նաև օտարալեզու ձեռագրեր:
Հայ ժողովրդի գրած, ստեղծած, թարգմանած, փրկածու նորոգած հնագույն ձեռագիր մատյանները հայ ժողովրդի և համայն մարդկության սեփականությունն են:
Լինենք ավանդական արժեքների կրողը…

Աշնանային վառ գույներով ու ջերմությամբ հագեցած  օր Երևանի կենդանաբանական այգում
Այս տարի ևս հ. 186 դպրոցի բնագիտական նախասիրություններով աշակերտները համախմբվեցին <<Առցանց կենդանաբանական այգի>> խմբակում: Խմբակի աշխատանքները ներկայացվում են eTwinning տիրույթում՝ համագործակցելով 198, 197 և 88 դպրոցների և Երևանի կենդանաբանական այգու հետ: 

Խաղ - վիկտորինա

Նոյեմբերի 24-ին հ.186 հիմնական դպրոցում կայացավ խաղ-վիկտորինա, որը կազմակերպել էր ռուսաց լեզվի ուսուցչուհի Անահիտ Մուսաելյանը: Թեման Ա.Ս. Պուշկինի կյանքն ու ստեղծագործությունն էին:
Մասնակցում էին 9-րդ դասարանների աշակերտներից կազմված թիմերը՝ ,,Վիկտորյա,, և ,,Ինտելեկտուալներ,, ... >>>

<<Համագործակցություն հարակից դպրոցների հետ>> նախագծի  շրջանակներում միջոցառում   <<Ջուր>> թեմայով

Համագործակցությունը 198, 197 և  88 դպրոցների հետ էր։ Բնագիտական նախասիրություններով ու  հակումներով աշակերտերը ներկայացրին ,,Ջուր,, թեման կենսաբանական, քիմիական և ֆիզիկական տեսանկյունից։ Միջոցառումը կայացավ 198 ավագ դպրոցում։ Հրավիրված էին համագործակցող դպրոցների տնօրեններ Մ. Քոչարյանը, Ա. Թորոսյանը, Գ. Հարությունյանը,  Ա. Ավետիսյանը, փոխտնօրեններ և ուսուցիչներ։
Հ.186 դպրոցի <<Առցանց կենդանաբանական այգի>> խմբակի սաները ներկայացրին <<Ջուրը>>  կենսաբանական տեսանկյունից։ Պատրաստել էին յուրօրինակ հրավիրատոմսեր, պաստառներ և սահիկաշար։
Աշխատանքը բարձր գնահատվեց։ Մասնակից դպրոցները հ. 198 դպրոցի կողմից արժանացան շնորհակալագրերի, իսկ  աշակերտները՝ մասնակցության վկայագրերի։

2018թ.-ի նոյեմբերի 22-ին հ. 186 հիմնական դպրոցի 3ա դասարանի աշակերտներն այցելեցօն Երևանի Փայտարվեստի թանգարան՝ դպրոցի կողմից իրենց տրամադրված աբոնիմենտներով:
Երեխաները հաղորդակից դարձան հայ ժողովրդի արվեստի հնագույն ճյուղերից մեկին, տեսան թե ինչպես են բնությունն ու արվեստը միաձուլվում, ստեղծելով հեքիաթային քանդակներ և բաղում հետաքրքրաշարժ ու յուրահատուկ իրեր: Երեխաները ստացան մեծ բավականություն և հայտնեցին կրկին այցելության ցանկություն:

Նոյեմբերի 21-ին 4բ դասարանի աշակերտները այցելեցին Երևան քաղաքի պատմության թանգարանը, որը հիմնադրվել է 1931 թ.: Աշակերտները ծանոթացան Երևան քաղաքի պատմությանը, ուսումնասիրեցին բազմաթիվ հնագիտական առարկաներ: «Ճանաչիր Երևանը» խորագիրը կրող խաղին ակտիվ մասնակցության համար աշակերտները ստացան շնորհակալագիր:

Հակակոռուպցիոն թեմաներով պարբերաբար անցկացվում են միջոցառումներ: Հանձնարարությունն ստացան ԱԽ անդամները: Նրանք ուսումնասիրեցին, թե ինչ է կոռուպցիան, ինչպիսի դրսևորումներ ունի, որոնք են Հայաստանում հանդիպող հիմնական ձևերը և այլն: Նրանք քննարկումներ անցկացրին իրենց դասարաններում: Կազմակերպեցին կլոր սեղաններ, բանավեճեր: Հիմա արդեն պարբերաբար դասարան առ դասարան ներկայացնում է իր ուսումնասիրությունը մանրապատումների, ծաղրանկարների, զեկուցումների տեսքով:

 Շախմատի օլիմպիադա՝ համայնքային փուլ
​
2018թ. նոյեմբերի 20-ին տեղի ունեցավ շախմատի 13-րդ օլիմպիադայի համայնքային փուլը: Դպրոցական փուլում հաղթող ճանաչված Գալստյան Արամեն, Գևորգյան Արսենը, Մինասյան Արտակը, իսկ աղջիկներից՝ Գևորգյան Լիանան մասնակցեցին Շախմատի Ակադեմիայում կայացած շախմատի մրցումներին, որտեղ նրանք արդեն պետք է մրցեին այլ դպրոցի աշակերտների հետ: Չնայած մրցակցային իրադրությանը՝ մրցաշարն անցավ ընկերական միջավայրում: 

 Խնկո Ապոր ազգային մանկական գրադարանում

2ա և բ դասարանի աշակերտները իրենց դասվարների ուղեկցությամբ այցելեցին Խնկո Ապոր ազգային մանկական գրադարան: Նրանք եղան գրադարանի ընթերցանության սրահում, ծանոթացան սրահի բաժիններին, գրքերի տեսակներին, կարևորեցին գրքի և ընթերցանության դերը մարդու կյանքում: Գրադարանի ձայնադարանում ծանոթացան երաժշտական գործիքների տեսակներին, ունկնդրեցին երաժշտություն, որի հնչյունների ներքո շուրջպար բռնեցին, զբաղմունքների սրահում գուշակեցին հանելուկներ և դիտեցին ,,Պույ-պույ մկնիկը,, մուլտֆիլմը, իսկ հեքիաթների սրահում հեքիաթասաց մորաքույրը ներկայացրեց ,,Կախարդական սրինգը,, հեքիաթը: Երեխաների օրը հագեցած էր, հետաքրքիր ու բովանդակալից:

Այցելություն Տիկնիկների թանգարան-պատկերասրահ

 ​IIIբ, IIIդ, IVդ  դասարաններն այցելեցին Տիկնիկների թանգարան-պատկերասրահ:
Բազմաոճ ու յուրօրինակ, իրենց տեսակով բացառիկ տիկնիկների հրաշալի հավաքածու, որոնցից յուրաքանչյուրն ունի իր պատմությունը:
Դասարանները մասնակցեցին «Յոթ քար, յոթ փետուր» ծիսական խաղ-էքսկուրսիային և բարձր տրամադրությամբ վերադարձան: Նկարները տես այստեղ....>>>

          Նոյեմբերի 12-ին ՀՀ կրթության եւ գիտության նախարարությունում, ի թիվս տարվա լավագույն ուսուցչի, դաստիարակի ու տնօրենի, գնահատանքի արժանացան նաև մարտական հերթապահություն իրականացնող զորամասերի լավագույն պարտադիր ժամկետային զինծառայողների ուսուցիչները։ Բարձր գնահատելով մանկավարժների ավանդը հայրենանվեր քաղաքացու և հայրենիքի պաշտպանի ձևավորման գործում՝ ՀՀ պաշտպանության նախարարի պաշտոնակատար Դավիթ Տոնոյանն իր խորին երախտագիտությունը հայտնեց առաջնագծին անսասան կանգնած պարտադիր ժամկետային զինծառայողների ուսուցիչներին և նրանց պարգևատրեց ՀՀ ՊՆ գերատեսչական մեդալներով։ Մեր ջերմ ոււ սրտանց շնորհավորանքը հ. 186 դպրոցի բազմափորձ ուսուցչուհի Էլմիրա Սահակյանին պարգևատրվելու, ՀՀ արժանավոր քաղաքացու կերպար դաստիարակելու, հայրենիքի ամուր պաշտպանության գործում իր ներդրումն ունենալու համար:

Հոկտեմբերի 26-ին IVդ դասարանի աշակերտները դասվար Ս.Օհանյանի ուղեկցությամբ այցելեցին Արամ Խաչատրյանի տուն-թանգարան։ Աշակերտները տեսան հանճարեղ կոմպոզիտորի կյանքի և գործունեության հետ այս կամ այլ կերպ առնչվող նյութերը, իրերը` առանձնասենյակի, ննջասենյակի, ճաշասենյակի, կահույքի պարագաները, դաշնամուրը, դիրիժորական ֆրակն ու փայտիկը, նամակները և ընտանեկան արխիվի շատ մանրուքներ։ Ցուցասրահներում բացատրությունն ուղեկցվում էր երաժշտությամբ։ Մեծ արվեստագետն իր երաժշտական հարուստ ժառանգությամբ կմնա բոլորիս հուշերում։

               23.10.2018թ.- Բացվեց «Կրթական ծրագրերի կենտրոն» ԾԻԳ -ի    «Կրթության   բարելավում»   վարկային   ծրագրի
շրջանակներում   իրականացվող     Նախակրթարանը:
        Նախակրթարանի նպատակն է նախադպրոցական ավագ տարիքային   խմբի   երեխաների   տարրական     կրթությանն արդյունավետ նախապատրաստելու հիմնախնդիրը: Վերջինիս լուծումը   կապահովի    ուսման   հավասար    մեկնարկային պայմանների   ստեղծումը     տարրական     դպրոցում     և
կնպաստի երեխայի արագ հարմարվելուն ու ուսման մեջ առաջընթաց ունենալուն...>>>

         Ա էր, աշուն էր, արքայական էր, արևավառ էր։ 186-ում <<Ա>> տառի շնորհանդեսն էր։ 2018թ-ի հոկտեմբերի 19-ին 1-ին  դասարանների աշակերտների համար տոն էր։
    Դպրոցի բակում էին հավաքվել ծնողները, ուսուցիչներն ու հյուրերը։ Շուտով՝ ուրախ երգի հնչյունների ներքո, բակ դուրս եկան տոնի գլխավոր հերոսները։ Նրանք ժպտում էին ու երգում՝ անակնկալի սպասումով։  Երեխաներին շնորհավորեց դպրոցի տնօրեն՝ Մ.Քոչարյանը։
         Ահա և սպասված անակնկալը՝ օդ բարձրացան գույնզգույն փուչիկները։

Շախմատի օլիմպիադա՝ ներդպրոցական փուլ

         Երևանի հ. 186 հիմնական դպրոցում 2018թ. հոկտեմբերի 3-ին, 4-ին և 15-ին անց կացվեցին շախմատի 13-րդ օլիմպիադայի դպրոցական փուլը: Մրցումներին մասնակցեցին 2-8-րդ դասարանի աշակերտները: Քանի որ մասնակիցների քանակը շատ էր, մրցումները անց կացվեցին նախ շրջանաձև մեթոդով...>>> 

       12.10.2018թ. 4բ դասարանը  այցելեց Էրեբունի թանգարան: Աշակերտները մեծ հետաքրքրասիրությամբ  ուսումնասիրեցին 
պատմահնագիտական արգելոց-թանգարանի հավաքածուն, որտեղ ներկայացված  էին Հայաստանի տարբեր շրջաննե- րից իրականացվող  պեղումներից հայտնաբերված նախաուրարտական,  ուրարտական և վաղ հայկական ժամանակաշրջաննե-րին վերաբերող հնագիտական առարկաները: Աշակերտները այցելեցին նաև Արին-Բերդ բլրի վրա գտնվող Էրեբունի քաղաք-ամրոցը:

Հոկտեմբերի 26-ին հ. 186 հիմնական դպրոցի մարզադահլիճում
տեղի ունեցավ ֆուտբոլ մարզաձևից հանդիպում հ.117 և հ. 186
հիմնական դպրոցների 5-7-րդ դասարանների աշակերտների միջև:
Խաղն ընթացավ ընկերական միջավայրում և ավարտվեց ոչ ոքի
հաշվով:

---

​Հրաշալի միջոցառում, նվիրված Ուսուցչի տոնին։

Հայի համար ԱԶՆԱՎՈ՞ՒՐ, թե՞ ԱՆՁՆԱԳԻՐ, որ հպարտորեն պարզել ենք, կպարզենք  աշխարհի ամենատարբեր ծագերում  ավելի պարզ ու հասկանալի ասելու համար, թե որ ազգի ներկայացուցիչն ենք: ՙԱզնավուր՚ բառից աշխարհն իմացավ, որ տարագույն ու տարալեզու ազգերի մեջ կա մի մեկբռանոցը, որ հայ է կոչվում, բայց այդ անունը զգույշ է պետք տալ, մի քիչ ձգվելով, ավելի լրջանալով, այնպես, որ այն արտաբերվի  այսպես՝ ՀԱՅ...>>>

Շնորհավոր նոր ուսումնական տարին

Գիտելիքի օրը դարձյալ վերածվեց տոնախմբության 186-ի համար: Շնորհավորանքներ, ուղերձներ, բարեմաղթանքներ, ծնողների` հոյւսով լի հայացքներ, ժպիտներ, երգ, պար, ծաղիկներ, ծաղիկներ…Ու այդ ֆոնի վրա` առաջինցիների վախվորած, հպարտ, լացակումած, հորանջող, փնտրող դեմքեր…>>>

<<Մանկապարտեզից դեպի դպրոց>>․ հանդիպում 3-րդ      23.06.2018

Ինտերակտիվ հեքիաթի ունկնդրում, երաժշտության
ուղեկցությամբ քայլք, շարային հրահանգներ, ցատկեր,
շարժախաղեր…համարձակություն, ինքնավստահու- թյուն, ինքնատիրապետում, արագաշարժություն, ճարպ-կություն, կողմնորոշում խաղընկերների հետ:
 Նկարները տես այստեղ....>>>

<<Մանկապարտեզից դեպի դպրոց>>․ հանդիպում 2-րդ      16.06.2018
 Նկարները տես այստեղ....>>>

Մանկապարտեզից դեպի դպրոց

Առաջին անգամ երեխաները ծնողների և ուսուցիչների ձեռքը բռնած սրտի թրթիռով մտնում են բաղձալի դռներից ներս..ծաղիկներ, փուչիկներ, երգ ու երաժշտություն, սիրված հեքիաթի բեմականացում, դասարան ու դպրոցական նստարան, նոր ու չբացահայտված աշխարհ, բազմաթիվ անծանոթ մարդիկ, նորանոր հաճելի ակնթարթներ... Կազմակերպվել էր  նաև հանդիպում ծնողների հետ․․․>>>