Այցելություն <<Գաֆէսճեան>> արվեստի կենտրոն
Փետրվարի 16-ին 2բ դասարանի աշակերտները դասվար Գ. Մարգարյանի ուղեկցությամբ այցելեցին <<Գաֆէսճեան>> արվեստի կենտրոն: Արվեստի կենտրոնի <<Խանջյան>> սրահն իր հյուրընկալ դռները բացեց երկրորդցիների առջև: Նրանք ծանոթացան 250 ք.մ. մակերեսով ընդարձակ սրահում գտնվող մեծանուն նկարիչ Գրիգոր Խանջյանի մոնումենտալ որմնանկարին, որը պատկերում է Հայոց պատմության կարևորագույն էջերը' <<Հայոց այբուբենի ստեղծումը>> (1992-1994), <<Վարդանանց ճակատամարտ>> (1995-1998) և <<Հայաստանի վերածնունդը>> (1998-2000): Ակտիվ մասնակցեցին <<Հայոց գիրը իմ գրչով>> ծրագրին, որի շրջանակներում ծանոթացան Հայոց գրերի ստեղծումը պատկերող որմնանկարին: Վեր հանեցին իրենց գիտելիքները, քննարկեցին. Ի՞նչ գիտեինք, ի՞նչ սովորեցինք: Ծանոթացան թռչնագրերին, իրենք էլ թռչնագրերի միջոցով պատկերեցին իրենց անվան սկզբնատառերը: Աշխատում էին մեծ սիրով և ոգևորությամբ: Երկրորդցիները այդ հրաշալի միջոցառում - ծրագիրը եզրափակեցին <<Մաշտոցյան տառեր>> երգի կատարմամբ:
