Համամարդկային արժեքների բացահայտումը Վ․ Կատաևի «Յոթնաթերթիկ ծաղիկը» հեքիաթի օրինակով
Մայիսի 11-ին 6դ դասարանում ռուսաց լեզվի դաս էր։ Ներկա էին տնօրեն Մ․ Քոչարյանը, ուսումնական գծով տնօրենի տեղակալ Մ․ Հուսեփյանը, կազմակերպչական գծով տնօրենի տեղակալ Մ․ Պողոսյանը, «Օտար լեզուներ»-ի մ/մ նախագահ Ա․ Մուսաելյանը, դասղեկ Ե․ Շախվերդյանը, ռուսաց լեզվի ուսուցիչներ։ Դասարանը ձևավորված էր թեմային համապատասխան պաստառներով, նկարներով Աշակերտները ներկայացրին Վ․Կատաևի կյանքն ու ստեղծագործական ուղին, որից հետո էկրանին ցուցադրվեց «Յոթնաթերթիկ ծաղիկը» մուլտֆիլմը։ Ներկայացվեց հեքիաթի բովանդակությունը, գաղափարը։ Հետո անցան վիկտորինաներին, բառային աշխատանք կատարեցին։ Աշակերտները գունավոր թղթերից պատրաստված գույնզգույն ծաղկաթերթիկների վրա գրեցին այն կարևոր հատկանիշները, որոնցով պիտի օժտված լինի մարդը և կպցնելով իրար՝ ստացան հեքիաթի յոթնաթերթիկ ծաղիկը։ Նրանք կարդացին հեքիաթից հատվածներ, բեմադրեցին։ Ուսուցչուհին հանձնարարեց աշակերտներին գրել իրենց ամենանվիրական ցանկությունները և դնել նախօրոք պատրաստված ծրարի մեջ։ Նույնն առաջարկեց նաև դասղեկին։ Մ․Առաքելյանցը ծրարը փակեց և խոստացավ դրանք վերադարձնել նրանց «Վերջին դասին»։ Սովորողները կարողացան հետաքրքիր ձևով ցույց տալ, որ կյանքը տրված է բարի գործերի համար։ Աշակերտներն ուսուցիչներին նվիրեցին իրենց ձեռքով պատրաստված զարդատուփեր, որոնց վրա ամրացված էր դասի խորհրդանիշ յոթնաթերթիկ ծաղիկը, ինչն էլ հաճելի անակնկալ էր ուսուցիչների համար։ Դասի ավարտին տիկին Մուսաելյանը շնորհակալության իր խոսքն ուղղեց ուսուցչուհուն՝ Մ․ Առաքելյանցին, աշակերտներին։ Ներկաները հիացած էին և տպավորված։
