Դպրոցի ներքին գնահատում 2019-2020 ուստարի
Գիտելիքի օր 2021-2022
Գիտելիքի օրը դարձյալ վերածվեց տոնախմբության 186-ի համար: Շնորհավորանքներ, ուղերձներ, բարեմաղթանքներ, ծնողների` հույսով լի հայացքներ, ժպիտներ, երգ, պար, ծաղիկներ, ծաղիկներ…Ու այդ ֆոնի վրա` առաջինցիների վախվորած, հպարտ, լացակումած, հորանջող, փնտրող դեմքեր:
Նկարները տես այստեղ ....>>> 
Օգոստոսի 26-ին, հ. 186 դպրոցը կրկին իր հյուրընկալ դռները բացեց առաջին դասարան-ցիների առջև. մեկնարկեց «Դեպի դպրոց» ծրագիրը.
Աշակերտները ծանոթացան ուսուցիչների, ինչպես նաև միմյանց հետ: 
4-րդ դասարան, ավարտական միջոցառում
Հուշ-միջոցառում ԽՈՍՈՒՄ Է ԼՌՈՒԹՅՈՒՆԸ
31. 05. 2021 Դպրոցում իրարամերժ զգացողությունների հերթագայություն էր` թախիծ, հպարտություն, ափսոսանք, հիասթափություն, նորովի ապրելու, գործելու վճռականություն... Դպրոցում ԽՈՍՈՒՄ Է ԼՌՈՒԹՅՈՒՆԸ հուշ-միջոցառումն էր` նվիրված Արցախյան 44-օրյա պատերազմում անմահացած ու այլևս 186-ի հավերժ սաներ Գոռ Եղիազարյանին, Մարտին Մանասարյանին, Գևորգ Գևորգյանին, Արամ Սիմոնյանին...>>>
Մայիսի 21-ին տեղի ունեցավ «Անձնակազմի և աշակերտների տարհանումըերկրաշար-ի ժամանակ» թեմայով միջոցառում, որին ներկա էր նաև ՀՀ արտակարգ իրավիճակների նախարարությունից սեյսմիկ պաշտպանության տարածքային ծառայության բնակչության հետ տարվող աշխատանքների վարչության պետ Սերոբ Դարբինյանը:
Դպրոցի ՔՊ վերակազմավորումները իրենց առջև դրված պարտականությունները կատարեցին հավուր պատշաճի: Տարհանումը կատարվեց 2 րոպեում, հաջողությամբ տարհանվեցին և՛ աշակերտները, և՛ դպրոցի ողջ անձնակազմը: 
Երևանի թիվ 186, 197, 88 հիմնական դպրոցների և 198 ավագ դպրոցի համագործակցության ծրագրի շրջանակներում անգլերենի ուսուցիչների համատեղ ջանքերով կազմակերպվեց միջոցառում <<Անգլիախոս երկրները>> թեմայով, որի շրջանակներում աշակերտները պատրաստել էին սահիկաշարեր ԱՄՆ-ի, Ավստրալիայի և Կանադայի վերաբերյալ։
Նրանք ներկայացրեցին իրենց աշխատանքները, մասնակցեցին տարբեր ինտերակտիվ խաղերի՝ վիկտորինա, պտտանիվ, պազլ, խաթարված նախադասություններ, խաչբառեր՝ իրենց ընտրված թեմաների վերաբերյալ։ Հաղթեցին բոլոր թիմերը, քանի որ բավական մեծ հետազոտական աշխատանք էին կատարել, հարստացրել էին իրենց գիտելիքները, զարգացրել համագործակցային հմտությունները։ Հանդիպում առաջին դասարանի ծնողների հետՇախմատի մրցումներ՝ համայնքային փուլ
2021թ․ մայիսի 21-ին հ․ 186 հիմն․ դպրոցի աշակերտները մասնակցեցին շախմատի 15-րդ օլիմպիադայի համայնքային փուլին։ Այս փուլին մասնակցում էին օլիմպիադայի դպրոցական փուլում հաղթած աշակերտները՝ Մինասյան Լևոն 8ա, Հարությունյան Խաչիկ 8գ, Շահմիրյան Ռուբեն 5բ, իսկ աղջիկներից՝ Ապրեսյան Էլինա 4գ։
Մրցումներն անց կացվեցին ընկերական և ջերմ միջավայրում, իսկ 5 տուրերի ամփոփման արդյունքում հ․ 186 հիմն․ դպրոցը հայտնվեց լավագույն տասնյակում։ 
Խաչքարի բացում Նոր Նորքի 8-րդ զանգվածում
Արցախյան 44-օրյա պատերազմում զոհված հերոս տղաների հիշատակին նվիրված Նոր Նորք վարչական շրջանի 8-րդ զանգվածում բնակիչների և Նոր Նորք վարչական շրջանի ղեկավարի աշխատակազմի համատեղ աջակցությամբ տեղի է ունեցել խաչքարի բացման արարողություն: 
Մայիսի 4-7-ը հ․186 հիմն․ դպրոցի աղջիկների և տղաների հավաքական թիմերը մասնակցեցին ՀՀ անկախության 30-րդ տարելիցին նվիրված դպրոցականների մարզական խաղերին՝ հանդբոլ մարզաձևից։
Աղջիկների հավաքական թիմը գրավեց 1-ին պատվավոր տեղը, իսկ տղաների հավաքական թիմը՝ 2-րդ տեղը։ Թիմերը պարգևատրվեցին մեդալներով, պատվոգրերով և գավաթներով։ Աղջիկների հավաքականը իրավունք ստացավ մասնակցելու հանրապետական փուլին։ Զատիկի տոնին նվիրված ցուցահանդես
Ապրիլի 4-ին 5-րդ զանգվածի Եկեղեցու բակում թաղապետարանի կողմից կազմակերպվել էր ցուցահանդես, որին մասնակցել են նաև հ․ 186 հիմն․ դպրոցի 5-7-րդ դասարանի աշակերտները, տեխնոլոգիայի ուսուցիչներ՝ Մ․ Ադյանը և Հ․ Մխիթարյանը։ Ցուցադրությունը նվիրված էր Զատկի տոնին։
Աշակերտները պատրաստել էին Զատկի ծիսական տիկնիկներ՝ Ուտիս տատ և Պաս պապ, Զատկի համար ձևավորած կանաչ խոտ, ձվեր և այլ կոմպոզիցիոն աշխատանքներ։ ԾառատունկԱյց Գառնու երկրաֆիզիկական դիտարան
Հայկական լեռնաշխարհը համարվում է երկրաշարժավտանգ տարածք, որի մասին վկայում են բազմաթիվ պատմական գրավոր աղբյուրներ և մասնագիտական հետազոտություններ։ Միայն այն փաստը, որ հայոց 12 մայրաքաղաքները տուժել են երկրաշարժերից, մեզ պարտադրում է լինել սեյսմիկ առումով իրազեկված։ '' Ով իրազեկված է, նա պաշտպանված է" կարգախոսով 6ա դասարանը դասղեկ Շ. Ղուլիջանյանի հետ օրերս այցելեց Գառնու երկրաֆիզիկական դիտարան։ Շրջեցին 60 մետր խորության վրա գտնվող թունելախորշում, հետևեցին երկրակեղևի շարժը ամրագրող դեմոգրաֆի և լաբորատորիայում տարվող հետաքրքիր հետազոտական աշխատանքներին։Դիտեցին երկրաշարժի վերաբերյալ ֆիլմ, աշխատակիցների հետ քննարկեցին երկրաշարժից բնակչության պաշտպանության ուղիները և վարքականոնները։ Աշակերտները կարևորեցին սեյսմոլոգների կողմից իրականացվող աշխատանքները և երկրաշարժի ժամանակ պաշտպանվելու իմացությունը։
2021թ․ ապրիլի 12-ին Հ․ 186 հիմնական դպրոցի աշակերտներ Մինասյան Լևոնը, Շահմիրյան Ռուբենը, Հարությունյան Խաչիկը մասնակցեցին Նոր Նորք վարչական շրջանի ղեկավարի աշխատակազմի՝ սպորտի միջազգային օրվա կապակցությամբ հ․ 134 դպրոցում կազմակերպված մրցաշարին։ Մրցաշարը բաղկացած էր 5 փուլից, որոնց արդյունքներն ամփոփվելուց հետո Հ․ 186 հիմնական դպրոցի աշակերտները զբաղեցրին 5-րդ հորիզոնականը։ Մրցաշարն անցավ ընկերական և շատ ջերմ միջավայրում։
Մասնակցություն շաբաթօրյակինՄիջոցառում՝ նվիրված կանանց միամսյակին
Մարտի 24-ին 186 հիմնական դպրոցի 3դ դասարանում ռուսաց լեզվի ուսուցիչներ Մ․ Քոչարյանն ու Ա Սահակյանը կազմակերպել էին միջոցառում՝ նվիրված կանանց միամսյակին։ Ծնողներին կազմակերպիչները նախօրոք հրավիրատոմսեր էին ուղարկել։ Երաժշտության ներքո աշակերտները ներկայացան, արտասանեցին, բարեմաղթանքի խոսքեր ուղղեցին ծնողներին, ուսուցիչներին, ծաղիկներ նվիրեցին։ Աշակերտները հրաշալի տիրապետում էին ռուսաց լեզվին, արտասանում ռուսերենին բնորոշ առոգանությամբ...>>>
Վ․ Կատաևի «Յոթնաթերթիկ ծաղիկը» հեքիաթը
«Ջրահարսը» ներկայացման դիտումԷ˜Յ, ԼԱ´Վ ԿԵՆԱՔ, ԱԿԱ´ՆՋ ԱՐԵՔ...
12. 03. 2021 -ին 8ա դասարանում ամփոփեցին <<Հովհաննես Թումանյան>> թեման: Որոշեցին, որ պետք չէ սահմանափակվել միայն ծրագրային նյութերով: Ստեղծագործողին, նրա մտածելակերպը հասկանալու համար պետք է ուսումնասիրել նաև այն միջավայրը, պայմանները, պատմական ժամանակաշրջանը, որում նա ապրել է: Սովորողները նախապես ստացել էին հանձնարարություն` խմբեր ստեղծել և ընտրել որևէ բաժին ու ուսումնասիրել...>>>
Շնորհավոր ծնունդդ, Անմահ լոռեցի
1դ դասարան - դասվար Ս․ Մշեցյան1գ դասարան - դասվար Մ․ Ներկարարյան1բ դասարան - դասվար Ն․ Ղալդունց1ա դասարան - դասվար Լ․ ՍարդարյանՀայտարարությունԻ ԳԻՏՈՒԹՅՈՒՆ
հ. 186 դպրոցում հայտագրված 1-ին դասարանցիների և հ. 186 դպրոցի նախակրթարանի համար հերթագրված ծնողների Սկսվում է փաստաթղթերի ընդունման փուլը: Անհրաժեշտ փաստաթղթերը ներկայացնել 17. 08. 2020-31. 08. 2020 /1-ին դասարան/ • դիմում՝ ուղղված տնօրենին /եթե հայտագրման ժամանակ էլեկտրոնային տարբերակը առկա չէ/, • երեխայի հանրային ծառայության համարանիշի կամ դրանից օրենքով սահմանված կարգով հրաժարված լինելու մասին տեղեկանքի պատճեն, • 2 լուսանկար՝ 3X4 չափսի, • երեխայի ծննդյան վկայականի պատճեն, • ծնողներից որևէ մեկի /օրինական ներկայացուցչի/ անձնագրի պատճեն, և 24. 08. 2020- 31. 08. 2020 /նախակրթարան/ • դիմում՝ ուղղված տնօրենին, • երեխայի հանրային ծառայության համարանիշի կամ դրանից օրենքով սահմանված կարգով հրաժարված լինելու մասին տեղեկանքի պատճեն, • 2 լուսանկար՝ 3X4 չափսի, • երեխայի ծննդյան վկայականի պատճեն • ծնողներից որևէ մեկի /օրինական ներկայացուցչի/ անձնագրի պատճեն: Փաստաթղթերը ներկայացնելիս անհրաժեշտ է ԽՍՏՈՐԵՆ ՀԵՏԵՎԵԼ ՊԱՐԵՏԱՏԱՆ ՍԱՀՄԱՆԱԾ ԿԱՆՈՆՆԵՐԻՆ՝ կրել դիմակ, դպրոցի մուտքի մոտ ախտահանել ձեռքերը, պահպանել սոցիալական հեռավորություն: Սիրով՝ հ. 186 դպրոցի տնօրենություն
Ոչ ոք չի մոռացվել, ոչինչ չի մոռացվել...
Շախմատի օլիմպիադա՝ ներդպրոցական փուլ
Բնապահպանական քարոզարշավՍեպտեմբեր ամսից դպրոցի էկոակումբի ղեկավար Գ. Բուլդոյանը և էկոակումբի անդամները հանդես եկան նախաձեռնությամբ:
Հայտարարվեց <<Փրկենք անտառը>> խորագրով մրցույթ: Էկոխմբի ղեկավար Գ. Բուլդոյանի կողմից անցկացվեցին իրազեկման դասընթացներ: Դպրոցի 2-9-րդ դասարանների սովորողները մասնակցեցին ինտերակտիվ դասերի, որը իրականացվեց 4 փուլով: Դասի սկցբում ցուցադրվեց <<Օզի օզօն>> մուլտֆիլը: Մասնակից աշակերտների հետ քննարկվեց <<ի՞նչ է անտառը>>: Որոշվեց կազմակերպել էկոխմբեր դասարաններում և դասարաններում կուտակված աղբը տեսակավորել, թղթի թափոնները հավաքել և հանձնել էկոխմբի անդամներին: Բնապահպանական հարցերով զբաղվող հանձնաժողովի կողմից տարեվերջին արդյունքները կամփոփվեն:
Click here to edit.
|
|
| ԵՐԵՎԱՆԻ Հ. 186 ՀԻՄՆԱԿԱՆ ԴՊՐՈՑ |
|
