ԳԻՏԵԼԻՔՈՎ ՔԱՅԼԵՆՔ ԱՌԱՋ:

ԱՐԽԻՎ    2015  -  2016

Ուսումնական տարվա ամփոփում և պարգևատրում 2016թ

  Ահա և ավարտվեց ևս մեկ ուսումնական տարի: Մայիսի 20-ին, դպրոցում նորից Ամփոոման օր էր: Օրը յուրահատուկ էր, հուզիչ: 
     Տնօրենությունը առանձնացրեց և պարգևատրեց այն աշակերտներին 
որոնք ուսումնական տարվա ընթացքում իրենց դրսևորած վարքով, լավ առաջադիմությամբ օրինակ  են ծառայում մյուսների համար...>>>   

​Ինտելեկտուալ խաղ ,,Ի՞նչ, որտե՞ղ, ե՞րբ,,

     Մայիսի 4-ին պատմության ուսուցչուհի Գ. Զաքարյանը կազմակերպեց ,,Ի՞նչ, որտե՞ղ, ե՞րբ,, ինտելեկտուալ խաղը: Խաղը կազմակերպելու համար նախօրոք ստեղծվել էր երկու թիմ՝ ,,Գիտակների,, և 6-9-րդ դասարաններում սովորողների ներկայացուցիչների...>>>

Շնորհավորենք Վալերի  Գրիգորյանին

ՄԻՋՈՑԱՌՈՒՄ <<ՀԱՂԹԱԿԱՆ ՇՈՒՇԻ>>
 Լուսակարները տես այստեղ...>>>​

Բաց դաս մաթեմատիկա առարկայից 5բ դասարանում   ,,Կոտորակներ,, թեմայից
​  Լուսակարները տես այստեղ...>>>

Բաց դաս 7բ դասարանում ,,Թվային բազմություններ,,       Լուսակարները տես այստեղ...>>>

 ​Բաց դաս 6ա դասարանում մաթեմատիկա առարկայից
Լուսակարները տես այստեղ...>>>

Բաց դաս մաթեմատիկա առարկայից 5ա դասարանում   ,,Կոտորակներ,, թեմայից
​ Լուսակարները տես այստեղ...>>>

ՈՒ Շ Ա Դ Ր ՈՒ Թ Յ ՈՒ Ն
,,Նորագույն տեխնոլոգիաների օգտագործումը ինժեներական մասնագիտացումներում,, պաստառների մրցույթի դպրոցական փուլը սկսված է:
Ընտրում եք լավագույն աշխատանքը: Ընտրության համար ունենք ընդամենը 1 օր ժամանակ:
Ներկայացված են`

Ապրիլի 26-ին Վ. Սարգսյանի ինստիտուտի փոխգնդապետ Սամվել Պետրոսյանը և դպրոցի զինղեկ Արմեն Մելքումովը 9-րդ դասարանի աշակերտների հետ անցկացրեցին դասախոսություն ,,Կողմնորոշում տեղանքում առանց քարտեզի,, թեմայով:

 ,,Праздник букваря,,

Ապրիլի 14-ին 2ա, 2բ, 2գ և 2դ դասարաններում ռուսաց լեզվի ուսուցչուհի Հասմիկ Թավաքալյանը կազմակերպել էր ցերեկույթ՝ ,,Праздник букваря,,. Ցերեկույթի ընթացքում բեմադրվեցին ,,Теремок,, և ,,В поле береза стояла,, հեքիաթները, ,,Доктор,, և  ,,Два товарища,, մանրապատումները: 

ՄԵՆՔ ՔԵԶ ՀԵՏ ԵՆՔ ՀԱ ՛Յ ԶԻՆՎՈՐ, ՔԱ ՛Ջ ԶԻՆՎՈՐ

Նամակներ հայ զինվորներին

Ապրիլի 4-ին  4ա դասարանի աշակերտները Լեռնային Ղարաբաղում ընթացող թեժ մարտերից ոգեշնչված և չափազանց հուզված, գրել են նամակներ ուղղված հայ զինվորներին: Այդ ձևով 4ա դասարանի աշակերտները նպատակ ունեն ոգևորել և իրենց խոսքերով նոր ուժ ու եռանդ տալ մեր հայ զինվորներին թշնամու հարձակումներին դիմակայելու համար:

Ֆրանսիան 40 րոպեում

 2016 թ. ապրիլի 11-ին N 186 դպրոցում ֆրանկոֆոնիայի միջազգային օրերի միջոցառումների շրջանակում տեղի ունեցավ դաս-միջոցառում Ֆրանսիան 40 րոպեում խորագրով, որին մասնակցում էին 7ա և 6ա դասարանների աշակերտները: Միջոցառմանը ներկա էին դպրոցի տնօրեն Մ. Քոչարյանը, փոխտնօրեններ և ուսուցիչներ: Դաս-միջոցառման ընթացքում աշակերտները ներկայացրին Ֆրանսիայի Հանրապետությունը, խոսեցին տեսարժան վայրերի, ճանաչված մարդկանց, ինչպես նաև ազգային և պետական տոների մասին: Դաս-միջոցառման ընթացքում զգացվում էր ֆրանսիական շունչը, ֆրանսիական արվեստի ու մշակութային արժեքների հաճելի ներկայությունը: Լուսակարները տես այստեղ...>>>

---

Մասնակցություն համաքաղաքային շաբաթօրյակին

Dasaran.am կրթական ծրագրի կողմից կազմակերպած ,,Դպրոցի արտաքին և ներքին տեսքի ամանորյա ձևավորում 2015/2016,, մրցույթում ակտիվ մասնակցություն ցուցաբերելու համար դպրոցը պարգևատրվեց պատվոգրով:

Մեր շնորհալիները

       Ապրիլի 5-ին հ. 186 դպրոցը` որպես դպրոց-կենտրոն, քլաստերի դպրոցների ինֆորմատիկայի ուսուցիչներին հրավիրեց վերապատրաստման` ,,Նորագույն տեխնոլոգիաների օգտագործումը ինժեներական մասնագիտացումներում,, թեմայով:
Այնուհետև նմանատիպ սեմինար անցկացվեց տվյալ դպրողի քլաստեր դպրոցների 8-9-րդ դասարանների ինֆորմատիկայի ուսուցիչների համար: Սեմինարը վերեց դպրոցի ինֆորմատիկայի ուսուցչուհի Ա. Կարապետյանը: Սեմինարի նպատակն էր քլաստերի 8-9-րդ դասարանների ինֆորմատիկայի ուսուցիչներին ներկայացնել դասի պլանը՝ նույն թեմայով դաս իրենց դպրոցներում անցկացնելու համար:

31.03.2016 բ/մ թիմը կազմակերպել և անցկացրել է իրազեկող սեմինար-միջոցառում: Սեմինարի իրազեկման փուլին հաջորդեց <<իրավիճակային փուլը>>, որտեղ բ/մ թիմի մասնագետը ներկայացնում էր տարրաբնույթ իրավիճակներ, տեղի էր ունենում ընդհանուր քննարկում, ապա մասնագետների կողմից մեկնաբանվում և ներկայացվում էին իրավիճակներին համապատասկանող ելակետային պատախանները: Այս ամենը նպատակ էր հետապնդում ծառացած և հետագա խնդիրներից խուսափելու, ինչպես նաև մասնագետ-ուսուցիչ փոխհամագործակցական կապը կայունացնելու նպատակով:

Շնորհավոր Սուրբ Զատիկ

<<Տեխնոլոգիա>> առարկայի ուսուցչուհի` Մ. Ադյանի ղեկավարությամբ V-VII   դասարանների աղջիկները, ավանդույթին համաձայն կազմակերպեցին ձեռքի աշխատանքի ցուցահանդես նվիրված Սուրբ Զատիկի տոնակատարությանը:

Մեր առաջին բացիկները մեր իսկ ձեռքերով...

Մեր առաջին բացիկները մեր իսկ ձեռքերով... Iդ դասարանի աշակերտները իրենց թանկագին մայրիկների համար բացիկներ պատրաստեցին, մաղթանքներ գրեցին դասվար Ս.Օհանյանի օգնությամբ... անակնկալը ստացվեց. մայրիկներն անսպասելի նվերից հուզված էին:Առանց արևի ծաղիկները չեն ծաղկում, առանց սիրո չկա երջանկություն, առանց կնոջ չկա սեր, առանց մոր չկա ոչ բանաստեղծ, ոչ էլ հերոս... 

Մարտի 1-ին քաղպաշտպանության օրվան նվիրված Iդ դասարանի աշակերտները դիտեցին տեսանյութեր սուր կենցաղային իրավիճակների և ճանապարհային երթևեկության կանոնների վերաբերյալ: Միշտ լինենք ապահով ու անվտանգ... 

III բ    դասարանի աշակերտները փետրվարի 27-ին  այցելեցին Կ. Ստանիսլավսկու անվան պետական ռուսական թատրոն, որտեղ դիտեցին «Մաշան և երեք արջերը»  ներկայացումը: Այս ներկայացումը դիտելուց հետո կրկին անգամ եկան այն համոզման, որ պետք է լսել մեծերին, լինել կարգապահ, կոկիկ և աշխատասեր:

Միջոցառում նվիրված Հովհ. Թումանյանի ծննդյան
​147 ամյակին

      Փետրվարի 19-ին 2ա դասարանի աշակերտները նշեցին Հովհաննես Թումանյանի ծննդյան 147 ամյակը: Նրանք պատմեցին մեծ գրողի կյանքի և գործունեության մասին: Այնուհետև թափանցեցին Թումանյանի հեքիաթների աշխարհը, հափշտակվեցին նրա հրաշքներով, հանդիպեցին իրական և ոչ իրական դեպքերի: Կարողացան զանազանել չարն ու բարին: Նրանք բեմականացրեցին Հովհաննես Թումանյանի ,,Սուտասաը,, և  ,,Պոչատ աղվեսը,,  հեքիաթները: Լուսակարները տես այստեղ...>>>

Փետրվարի 19-ին.186 հիմն. դպրոցի 9գ դասարանում մայրենի լեզվի օրվա կապակցությամբ անցկացվեց դաս-միջոցառում: Միջոցառման նպատակն էր մեկ անգամ ևս արժևորել մայրենի լեզվի դերը մեր կյանքում: Աշակերտները լեզվի մասին ասույթներ և բանաստեղծություններ ներկայացրեցին: Նրանք խորապես գիտակցում էին, որ զավակն են մի ժողովրդի, որը ամեն մի օրհասի պահին, եթե մոռացել է անգամ իրեն պաշտպանել, ապա գիրը, լեզուն երբեք չի կորցրել: Միջոցառումը եզրափակվեց նույն դասարանի աշակերտ Նարեկ Ռշտունու բանաստեղծությամբ:

,,Լավագույն ընկերը գիրքն է,,

Փետրվարի 19-ը հայ մեծանուն բանաստեղծ Հովհ. Թումանյանի ծննդյան օրն է, և այդ օրը նշվում է որպես գիրք նվիրելու օր: Այս տոնը բազմախորհուրդ է, այն հիշեցնում է մեզ, որ պետք է ճանաչենք գրքի արժեքը, ընթերցենք ու եթե ոչ հաճախ, ապա տարվա մեջ գեթ նեկ օր մեկական գիրք նվիրենք մեր մտերիմներին, հարազատներին: Կարող ենք նվիրել մեր կարդացած ու չկարդացած, հին ու նոր գրքերը՝ դրանով մեկ անգամ ևս հիշեցնելով, որ գիրքը միտք է ու հոգի, որ այն մեզ նվիրում է վայելքի անմոռաց րոպեներ ու ժամեր:
Գիրք նվիրելով՝  ինքներս մեզ և մեր շրջապատին նվիրում ենք հոգևոր հաղորդակցման հաճելի ու անմոռաց պահեր: Այսօր այդ հաճելի ու անմոռաց պահերն ապրեցին 3բ դասարանի աշակերտները՝ ստեղծելով անկյունիրենց իսկ ձեռքերով պատրաստած հետաքրքիր, բազմաբովանդակ, նկարազարդ գրքերով:

Գիրք նվիրելու օրը 1դ և 1ա դասարաններում

Գրքերը լուսավորում են հոգին, վերացնում և ամրապնդում են մարդուն, նրա մեջ արթնացնում լավագույն ձգտումները, սրում նրա միտքը և մեղմացնում սիրտը: Փետրվարի 19-ին Iդ դասարանի աշակերտների համար գիրք նվիրելու օրը նշանավորվեց իրենց համադպրոցական ընկերներին՝ Iա դասարանի աշակերտներին անակնկալ այցելելով և գրքեր նվիրելով: Գիրք նվիրելու տոնն իր շարունակությունը գտավ Խնկո-Ապոր գրադարանում, որտեղ աշակերտները եղան ընթերցասրահում: Լուսակարները տես այստեղ...>>>

Գիրք նվիրելու օրը 1բ դասարանում

    Փետրվարի 19-ին հայ մեծանուն բանաստեղծ Հ. Թումանյանի ծննդյան օրն էր: 1բ դասարանի աշակերտները ամենայն հայոց բանաստեղծի ծննդյան տարեդարձը նշեցին յուրօրինակ` դպրոցի գրադարանում, գրքեր նվիրելով միմյանց և գրադարանին: Այնուհետ դիտեցին "Շունն ու կատուն", "Մի կաթիլ մեղրը" և "Կիկոսի մահը" մուլտֆիլմերը: Լուսակարները տես այստեղ...>>>

Ապահով Համացանց  2016

 Փետրվարի 9-ը Ապահով Համացանցի օրն է: Ինֆորմատիկայի ուսուցչուհի Ա. Կարապետյանը 6ա դասարանի աշակերտների համար կազմակերպել էր բաց դաս նվիրված ,,Ապահով Համացանցի,, օրվան: Դասի սկզբում ներկայացվեց օրվա խորհուրդը, այնուհետև 6-րդ դասարանցիները ասացին թե իրենք ինչի համար են օգտագործում համացանցը...>>>
​

Փետրվարի 2-ին 8-րդ դասարաններում կազմակերպվեց ,,Հայոց պետական խորհրդանիշեր,, խորագրով միասնական դաս-սեմինար: 

Նոր տարի, նոր երազանքներ և նոր հույսեր

5բ դասարանի աշակերտները ռուսաց լեզվի ուսուցչուհի Անուշիկ Ռուբենովնայի ղեկավարությամբ ներկայացրեցին Նոր Տարվան նվիրված ներկայացում: Լուսակարները տես այստեղ...>>>

Մշակութային անդրադարձ- Réflexion culturelle

Բաց դասերը և բազմաբնույթ միջոցոռումները դարձել են հ. 186 դպրոցի ուսումնական առօրյայի անբաժանելի մասը: 2015թ.-ի դեկտեմբերի 3-ին 9ա դասարանում բաց դաս էր կազմակերպել ֆրանսերենի ուսուցչուհի Գայանե Ահարոնյանը: Այն կոչվում էր նախագծային դաս- Projet և վերնագրված էր «Մշակութային անդրադարձ- Réflexion culturelle»...>>>

Կինոդիտում ,,Մոսկվա,, կինոթատրոնում

Հաշմանդամություն ունեցող անձանց միջազգային օրը՝ դեկտեմբերի 3-ին, Բ/Մ թիմի անդամները և հ. 186 դպրոցի աշակերտները «Մոսկվա» կինոթատրոն մասնակցեցին հաշմանդամություն ունեցող երեխաների և երիտասարդների մասին պատմող ֆիլմերի պրեմիերային: Հաշմանդամություն ունեցող երեխաների և երիտասարդների մասին պատմող ֆիլմերը ստեղծվել են «Դիսըբիլիթի ինֆո» տեղեկատվական ՀԿ-ի կողմից ՄԱԿ-ի Մանկական հիմնադրամի (ՅՈՒՆԻՍԵՖ) «Մեդիան հանուն ներառման» ծրագրի շրջանակում: Միջոցառումն իրականացվեց ՀՀ մշակույթի նախարարության և «Մոսկվա» կինոթատրոնի աջակցությամբ։

Սեմինար-խորհրդատվություն ծնողներին

     Iդ դասարանում դեկտեմբերի 1-ին տեղի ունեցավ սեմինար-խորհրդատվություն ծնողների հետ, որտեղ դասվար Ս.Օհանյանը ներկայացրեց ամերիկացի հոգեբան Ջեյմ Հարինգտոնի մշակած այն չորս կարևոր բաց հարցերը, որոնք անհրաժեշտ է ուղղել դպրոցից տուն վերադարձող երեխային ամեն օր: Ծնողները ազատ հաղորդակցվեցին միմյանց հետ ,,Սարդոստայն,, խաղի միջոցով՝ միմյանց մասին դրական արտահայտվելով: Այնուհետև նախօրոք բաժանված խմբերով պատրաստեցին պաստառ:

Դաս-միջոցառում ,,Աշուն,,

Նոյեմբերի 30-ին 5գ դասարանում մի փոքրիկ տոն էր` դաս-միջոցառում ,,Աշուն,, թեմայով անգլերեն առարկայից: Սովորողները ամփոփեցին աշուն թեման իր գույներով, մրգերով ու բանջարեղեններով...>>>

,,Զանգակ,, հրատարակչությունում

Նոյեմբերի 28-ին IVդ դասարանի սովորողները իրենց մաթեմատիկայի ուսուցչուհի Ս.Օհանյանի հետ այցելեցին ,,Զանգակ,, հրատարակչություն` գրքի կազմման և հրատարակման աշխատանքներին ականատես լինելու: Սովորողները եղան նաև գրատանը, հեքիաթների անկյունում լսեցին զանազան պատմություններ գրքերի ստեղծման և արդեն իրենց ծանոթ հերոսների մասին: Աշակերտները հիանալի տրամադրությամբ և մեծ տպավորություններով վերադարձան տուն:

Երևան քաղաքի պատմության թանգարանում

Նոյեմբերի 27-ին 3-րդ բ դասարանի աշակերտները դասվար Գ.Մարգարյանի ուղեկցությամբ այցելեցին Երևան քաղաքի պատմության թանգարան:  Նրանք շրջեցին Երևանի պատմությունն ըստ դարաշրջանների ներկայացնող հարկաբաժիններում, ունկնդրեցին ցուցադրության մասին պատմական ակնարկները և մասնակցեցին «Ճանաչենք Երևանը» խաղ-էքսկուրսիային: Արդյունքում արժանացան շնորհակալագրի: Աշակերտները որպես Երևան քաղաքի պատվավոր և վաղվա օրը կերտող քաղաքացիներ խոստացան սիրել, պահպանել և շենացնել համայն հայության քաղաքամայր Երևանը:

Նոյեմբերի 24-ին Նարեկացի Արվեստի Միությունում տեղի ունեցավ «100 լապտերիկներ» խորագիրը կրող խորհրդանշական երեկո: Այս նախագիծը մեկնարկել է դեռևս սույն թվականի փետրվարի 24-ին: Միջոցառման շրջանակներում ցուցադրվեց նաև դպրոցի 6գ դասարանի աշակերտ Հակոբյան Եղիսեի աշխատանքները: Լուսակարները տես այստեղ...>>>

Սեմինար պարապմունք հ.186 դպրոցում

Նոյեմբերի 20-ին հ. 186 դպրոցը` որպես դպրոց-կենտրոն, քլաստերի դպրոցների դասղեկներին ու ծնողներին հրավիրեց սեմինարի` ծնող-դպրոց կապի, դրա հնարավոր լավ և վատ կողմերի վերաբերյալ: Սեմինարը վարում էր հ. 186 դպրոցի տնօրեն Մ. Քոչարյանը...>>>

Աշունը ,,Ծիածանում,,

19.11.2015թ.-ին Բ/Մ թիմի անդամները կազմակերպեցին դաս-միջոցառում ,,Աշունը ծիածանում,, խորագրով...՚>>>

Շախմատի օլիմպիադա՝ համայնքային փուլ

2015թ. նոյեմբերի 17-ին տեղի ունեցավ շախմատային օլիմպիադայի համայնքային փուլը: Դպրոցական փուլում հաղթող ճանաչված Մարտիրոսյան Վարազդատը, Մաճկալյան Ալբերտը, Աթոռակալյան Հայկը իսկ աղջիկներից՝ Մարտիկյան Թամարան մասնակցեցին Շախմատի Ակադեմիայում կայացած շախմատի մրցումներին, որտեղ նրանք արդեն պետք է մրցեին այլ դպրոցի աշակերտների հետ: Չնայած մրցակցային իրադրությանը՝ մրցաշարն անցավ ընկերական միջավայրում: 

Սովորում ենք փողոցն անցնել անցումով

Iդ դասարանի աշակերտները սովորում են փողոցն անցնել հետիոտնային անցումով.մեր կյանքն ավելի թանկ է, քան մեկ րոպե առաջ դիմացի մայթում հայտնվելը:

 Մասնակցություն շաբաթօրյակին
   Նոյեմբերի 14-ին Հ.186 դպրոցի ուսուցիչները և աշակերտները մեծ ոգևորությամբ մասնակցեցին Երևանի քաղաքապետարանի կողմից կազմակերպված համաքաղաքային շաբաթօրյակին և ծառատունկին: Լուսանկարները տես այստեղ...>>>

Աշունը մեր աչքերով ու մեր ձեռքերում

Նոյեմբերի 11-ին դպրոցամերձ հողամասում էին Iդ դասարանի աշակերտները: ,,Աշունը մեր աչքերով ու մեր ձեռքերում,, դասի շրջանակներում փոքրիկ սովորողները կատարում էին դիտարկումներ: Լուսանկարները տես այստեղ...>>>

Այցելություն Մատենադարան

Այցելություն Երևանի Մեսրոպ Մաշտոցի անվան հին ձեռագրերի պահպանման կենտրոն՝ Մատենադարան: Նոյեմբեի 7-ին հայերեն ձեռագիր մատյանների ամենախոշոր պահոցում օտարերկրյա հյուրերի շարքում էին նաև 5ա դասարանի աշակերտները:

 Հոկտեմբերի 30-ին, 7բ դասարանի աշակերտները այցելեցին Անանիա Շիրակացու ճեմարան, որտեղ անց էր կացվում ,,Նռան հատիկ-2015,, մանկապատանեկան  փարատոնը: Ներկայացմանը ընդգրկված էր իրենց համադասարանցի Վահագն Տուլբենջյանը։ Իսկ հոկտեմբերի 31-ին նրանք Եղիշե Չարենցի տուն-թանգարանում էին: Լուսանկարները տես այստեղ...>>>

էքսկուրսիա դեպի Մուսա լեռ

Անմոռանալի էքսկուրսիա դեպի Մուսա լեռ ու հայ ճարտարապետության բոլոր բարեմասնությունների և շինարարական մտահղացումների կենտրոն՝ Զվարթնոցի կիսավեր տաճար: 8բ դասարանի աշակերտները բարձր տրամադրությամբ երգեցին ու պարեցին....>>>

    Հոկտեմբերի 22-ին 1բ դասարանի աշակերտները ծնողների աջակցությամբ էքսկուրսիա կազմակերպեցին Բուսաբանական այգի: Թեև աշունն իր հետ տխրություն է բերում, սակայն վառ գույներով ու հյութալի մրգերով, երեխաների կարկաչուն ձայնով հնչած երգն ու գեղեցիկ խոսքերը բարձր տրամադրություն էին հաղորդում, թե մանուկներին և թե ծնողներին....>>>
       

5ա դասարանը այցելեց Ստանիսլավսկու անվան ռուսական թատրոն` ,,Շաղգամը,, ռուսական ժողովրդական համանուն հեքիաթի մյուզիքլը դիտելու: Նոր մոտեցումներ, անմոռանալի պահեր...

 Հոկտեմբերի 16-ին Iդ դասարանի աշակերտները մասնակցեցին ,,Ա,, տառի շնորհանդեսին և ստացան մաշտոցյան գրերի բանալին: Բոլոր առաջին դասարանցիներին մաղթում ենք նորանոր ձեռքբերումներ գիտելիքների աշխարհում:

Առաջին Գ դասարանը տոնեց Ա տառի մուտքը

2015թ-ի հոկտեմբերի 30-ին Բ/Մ թիմը 7Ա դասարանի և <<Ներառական կրթություն>> ծրագրում ընդգրկված աշակերտների հետ միասին գտնվում էր Անանիա Շիրակացու անվան ճեմարանի դահլիճում, որտեղ անց էր կացվում <<Նռան հատիկ-2015>> մանկապատանեկան 15-րդ փառատոնը: Դիտեցին <<Հույսի կամուրջ>> թատերախմբի <<Ծուռն ու շիտակը>> ներառական հիասքանչ ներկայացումը: Թատերախմբում ներառված էին հաշմանդամություն ունեցող տղաներ և աղջիկներ: Նրանց հուզիչ խաղը մեծ հիացմունք առաջացրեց հադիսատեսի մոտ:

Այցելություն Զվարթնոց, Մուսալեռ, Սուրբ Գայանե եկեղեցի և Մայր Աթոռ Սուրբ Էջմիածին

      9ա և 6ա դասարանների աշակերտները դասղեկ Ա. Գևորգյանի հետ այցելեցին Մուսալեռի հերոսամարտի հուշահամալիր: 
Էքսկուրսիան կարևոր  և ուսուցողական էր սովորողների համար, քանի  որ  սա  լավ  առիթ  էր  տեղում ծանոթանալու մեր հարուստ մշակութային ժառանգության և հերոսական անցյալի հետ: Եղան Սուրբ Գայանե եկեղեցում և Մայր Աթոռ Սբ. Էջմիածնում, որը  Հայաստանյաց  Եկեղեցու  հոգեվոր և վարչական կենտրոնն է: Այստեղ է գտնվում հայ ժողովրդի ու նրա հավատի հավերժության խորհրդանիշ Մայր Տաճարը: Այցելեցին նաև Զվարթնոցի տաճար, որտեղ բարձրակարգ զբոսավարի  միջոցով բացահայտեցին պատմամշակութային համալիրի հարուստ պատմությունը:     Նախկին հոյակերտ տաճարը, անգամ խոնարհված վիճակում, այսօր էլ  իրվեեհությամբ  և գեղեցկությամբ  շարունակում  է   զարմացնել  իր այցելուներին:

​

Այցելություն Վաղարշապատ-Էջմիածին

18 հոկտեմբերի 2015թ - 7բ  դասարանը վաղ առավոտյան ողջ կազմով մեկնեց Վաղարշապատ-Էջմիածին:
Էքսկուրսիայի նպատակն էր այցելել Մայր տաճար, Գայանե, Հռիփսիմե և Շողակաթ եկեղեցիները: Աշակերտները Մայր աթոռ սուրբ Էջմիածին եկեղեցում ստացան Աստծո օրհնությունը: Նրանք աղոթեցին առ Աստված, որպեսզի Հայոց աշխարհում տիրի խաղաղություն...

...Բարև Երևան...որքան գեղեցիկ ես...
Մենք եկել ենք տոնելու տարելիցդ: Ուզում ենք հարատևես, բեղուն ուղի ենք մաղթում, թող որ որդիներդ քեզ կանգուն պահեն, շենացնեն, <<ամրացնեն>>, թող...Թող որ ապրեմ քեզնով, վայելեմ առավոտդ, ինձ պաշտպանիր <<մեծ աշխարհ>> կոչվող հրեշից, ինձ արևներ շնորհիր, ուժ տուր,որ նորելուկ աստղի պես փայլեմ, որ մանկան պես անհոգ ծիծաղեմ... կամ էլ, կամ էլ ուղղակի մնա իմ սրտում...ԵՍ ՍԻՐՈՒՄ ԵՄ ՔԵԶ...>>>

Շախմատի օլիմպիադա՝ ներդպրոցական փուլ
Երևանի հ. 186 հիմնական դպրոցում 2015թ. հոկտեմբերի 5-8-ը անց կացվեցին շախմատի 10-րդ օլիմպիադայի դպրոցական փուլի մրցումներ: Մրցումներին մասնակցեցին 1-7-րդ դասարանի բոլոր ցանկացող աշակերտները....>>>

Բուսաբանական այգում

IIա դասարանի աշակերտները էքսկուրսիա են գնացել «Բուսաբանական այգի» բուսական աշխարհը ուսումնասիրելու նպատակով: Նրանք այնտեղ զգացին հայրենի բնության գեղեցկությունը և հիացան «Ոսկեծամիկ աշնան» խայտաբղետ գույներով: Ծանոթացան իրենց հետաքրքրող մի շարք բույսերի հետ:

---

Ուսուցչի օր 2015

    Յուրօրինակ էր ուսուցչի օրը հ.186 դպրոցում... Միջոցառման հյուրերը նաև  ակտիվ մասնակիցներն էին: Միջոցառման վերջում դպրոցի տնօրեն Մարինե Քոչարյանը պարգևատրվեց պատվոգրով և մեդալով:                    
     Պատվոգրերով պարգևատրվեցին նաև բազմաթիվ ուսուցիչներ: Լուսանկարները տես այւստեղ...>>>

Անկախության 24-րդ տարելիցին նվիրված մրցույթ

Սեպտեմբերի 18-ին անց է կացվել անկախության 24-րդ տարելիցին նվիրված ռազմամարզական մրցույթ 9-րդ դասարանցիների մասնակցությամբ: Լուսանկարները տես այստեղ...>>>

Անակնկալ էր սպասվում նաև հ.186 հիմն. դպրոցի 4գ դասրանի աշակերտներին, և նրանք հայտնվեցին Հովհաննես Թումանյանի տուն-թանգարանում: Վայելեցին, հիացան ու զարմացան նրա ամբողջ կենսագործունեությամբ և իրենց բոլոր հարցերի պատասխանները տեսանելի դարձան: Մտորումների մեջ ընկած՝  ոգեշնչված ու մտովի նրա հերոսների ուղեկցությամբ տուն վերադարձան: 

---

Սկսվեց նոր ուսումնական տարին: 4բ դասարանի սովորողները նորից հարազատ դպրոց են եկել: Ուրախ են բոլորը, խանդավառ ու անհամբեր: Գիտելիքի օրվա առաջին դասը սկսված է: Կարևորելով գիտելիքի դերը, սովորողներն որոշեցին այս տարի ավելի շատ աշխատել և գիտելիքներով քայլել առաջ:

Կրկին իր լայն դռներն է բացել հ.186 հիմնական դպրոցը և շնորհավորում է բոլոր աշակերտներին գիտելիքի օրվա կապակցությամբ: Բարի երթ ձեզ, սիրելի՛ աշակերտներ:

Նոր ուսումնական տարվա սկիզբը մարդկության դարավոր պատմություն ունեցող ժողովրդի համար հիանալի տոն է: Թող հնչեն զանգերն ու ազդարարեն նոր ուսումնական տարվա սկիզբը: Բեղուն աշխատանքային տարի բոլորիս: Լավագույն մաղթանքներով `Iդ դասարան:

Շնորհավոր նոր ուսումնական տարին

2015-2016 ուսումնական տարվա մեկնարկը տրված է:  Դարձյալ Սեպտեմբերի մեկն է և դարձյալ տոնական աշխուժություն հ. 186-ի հյուրընկալ բակում: Լուսանկարները տես այստեղ...>>>