«Թվերի բաժանելիությունը» թեմայի ամփոփում, «Պարզ և բաղադրյալ թվեր»
5բ դասարան Առարկան՝ մաթեմատիկա Ուսուցիչ՝ Լ. Սահակյան Դասի թեման ՝ «Թվերի բաժանելիությունը» թեմայի ամփոփում, «Պարզ և բաղադրյալ թվեր» Դասն ընթացավ նախապես կազմած, մասնախմբի և ուսումնական գծով փոխտնօրենի կողմից հաստատված դասի պլանով: Դասին օգտագործվեց համակարգիչ և տեսացրիչ։ Դասարանն առաջանցիկ պլանով բաժանվել էր 4 խմբի, յուրաքանչյուրում՝ 3 աշակերտ։ Պահպանվել էր հակահամաճարակային բոլոր կանոնները։ Դասն ինտեգրվել էր մայրենիի հետ. Հեքիաթային հերոս Բուրատինոն դիմում է աշակերտների օգնությանը, որպեսզի հաղթահարի դեպի Մալվինայի տնակը տանող ճանապարհի դժվարությունները։ Իսկ աշակերտները՝ կատարելով առաջադրանքները , կատարեցին Մալվինայի պահանջը և գտան կախարդական բանալին։ Իսկ կախարդական բանալու գաղտնիքը բացեց ուսուցչուհին։ Պատմեց Էրատոսթենեսի մաղի մասին, որից հետո աշակերտները օգտվելով պարզ թվերի աղյուսակից կատարեցին փոքրիկ հանձնարարություն։Դասապրոցեսին ներգրավված էին բոլոր աշակերտները: Անդրադարձ անելով խթանման փուլի նախնական գիտելիքներին և նոր թեմային, սովորողները պատասխանեցին quizizz գործիքով պատրաստված թեստի բլից հարցերին։ Դասի ավարտին կատարվեց և՛ միավորային , և՛ խրախուսական գնահատում։ Իսկ դասագրքի տնային հանձնարարությանը ավելացվեց հանրապետական օլիմպիադայի խնդիրներից մեկը՝ «Թվերի բաժանելիությունը» թեմայի վերաբերյալ։
