Մանկապարտեզից դեպի դպրոց
Առաջին անգամ երեխաները ծնողների և ուսուցիչների ձեռքը բռնած սրտի թրթիռով մտնում են բաղձալի դռներից ներս..․ ծաղիկներ, փուչիկներ, երգ ու երաժշտություն, սիրված հեքիաթի բեմականացում, դասարան ու դպրոցական նստարան, նոր ու չբացահայտված աշխարհ, բազմաթիվ անծանոթ մարդիկ, նորանոր հաճելի ակնթարթներ... Կազմակերպվել էր նաև հանդիպում ծնողների հետ, որոնք մասնակցեցին «Հաջողության բանաձև. առաջին անգամ առաջին դասարան>> սեմինարին, շփվեցին միմյանց հետ, մի պահ մանկացան, մտքեր փոխանակեցին և քննարկեցին աշակերտի հաջողությունների և ուսման բարելավմանը միտված որոշ հարցեր: Կարևորեցին սեփական պատասխանատվությունը երեխայի հանդեպ և´ տանը, և´ դպրոցում: Շփումը կարծես միավորեց ծնողներին և ուսուցիչներին, միահամուռ ուժերով նպաստեն դաստիարակությանն ու կրթությանը:
