ՀԱՅԱՍՏԱՆԻ ԱԶԳԱՅԻՆ ՊԱՏԿԵՐԱՍՐԱՀՈՒՄ

2014թ.-ի նոյեմբերի 8-ին 6-րդ բ դասարանի աշակերտների և դասղեկ Է.Սահակյանի մասնակցությունը քաղաքային շաբաթoրյակին բոլորովին չխանգարեց, որ նախատեսված էքսկուրսիան դեպի Ազգային պատկերասրահ իրականություն դառնա: Երեխաները տեսան հայ նկարիչների ստեղծագործությունները սկսած 18-րդ դարից: Ծանոթացան Հակոբ Հովնաթանյանի, Հովհանես Այվազովսկու, Վարդգես Սուրենյանցի, Գևորգ Բաշինջաղյանի, Ստեփան Աղաջանյանի, Փանոս Թերլեմեզյանի, Մինաս Ավետիսյանի և այլոց կտավներին: Եղիշե Թադևոսյանի <<Կոմիտաս>> կտավով ոգեշնչված երգեցին ,,Կաքավիկ,, երգը, զարմացնելով սրահի աշխատակիցներին և այցելուներին: Վերջին սրահը, որ այցելեցին, մեծն Մարտիրոս Սարյանինն էր, որի կտավներից մեկի մոտ էլ նկարվեցին: Իսկ էքսկուրսիան անմոռանալի և հետաքրքիր դարձրած էքսկուրսավարը, ոչ միայն ներկայացնում էր կտավները, այլև շատ հետաքրքիր դրվագներ էր պատմում նկարիչների կյանքից: Երեխաները հպարտ էին, որ այդքան տաղանդավոր հայ նկարիչների հայրենակիցներն են: Շրջելով պատկերասրահի սրահներով նրանք վերադարձան անկրկնելի տպավորություններով:

---