<<Տաղավարներում ընթերցասերներն են: Թումանյանին հյուր>>
19. 02. 2014
Եվ այսպես` օր 2-րդ` <<Տաղավարներում ընթերցասերներն են: Թումանյանին հյուր>> վերնագրով:
Դպրոցի նախասրահում իսկական տոնավաճառ էր, աշխարհում թերևս հազվադեպ տոնավաճառներից մեկը, ուր հնչում է տարատեսակ ընթերցանություն, իսկ այցելուներն էլ տաղավարներից հեռանում են նվերներով ծանրաբեռնված:
Բայց ամեն ինչ պատմենք սկզբից:
Ուսուցչուհի Գ. Գալստյանը 8ա, 6գ և 7բ /ուս.` Մ. Հուսեփյան/ դասարանների աշակերտներին առաջարկել էր ստեղծել տոնավաճառային տաղավարներ, ուր ընդհանուրը ընթերցանությունն էր լինելու, իսկ տարբերիչը` ընթերցանության մատուցման ձևը` տարատեսակ, բազմաբնույթ, իրար չկրկնող նախագծերը: Աշակերտները, ովքեր ոգևորվեցին գաղափարից, լծվեցին գործի. սկսեցին որոնողական-ստեղծագործական աշխատանքները:
Դասարանները նմանվեցին մեղվանոցների:
Եվ քանի որ աշակերտներին տրված էր երևակայության ու մտքի լիակատար ազատություն, առաջարկվում էին մեկը մյուսից զարմանալի ու հիացմունքի արժանի գաղափարներ:
Ուսուցչուհուն մնում էր միայն հասցնել դրանք մշակել, ուղղորդել, համակարգել:
Եվ ահա թե ինչ ստացվեց. ձևավորվեցին հետևյալ տաղավարները`
1. <<Գարնան պես ջերմ, Մոր պես թանկ…>>. վեցերորդցիներ Մարիամն ու Արսենը գարնան թարմությամբ ու մայրական ջերմությամբ լի բանաստեղծություններ ընթերցեցին, և այցելուներին ճանապարհեցին իրենց կողմից պատրաստված բացիկներով.
2. <<Դարձվածքներ>>. վեցերորդցիներ Պետրոսն ու Արթուրը խոսեցին դարձվածքներից, բացատրեցին մի քանիսի իմաստը, ցուցադրեցին դրանց համապատասխան նկարներ` արված ուղիղ և փոխաբերական իմաստներով, իսկ տաղավարի նկարիչ Էրիկը հյուրերի ընտրած թվահամարի ներքո գտնվող դարձվածքները տեղում նկարեց և նվիրեց.
3. <<Պատկերազարդ ընթերցանություն>>. երբևէ փորձե՞լ եք ընթերցել նկարներով. ութերորդցի Էլենն ու Մարիամն այցելուներին սովորեցրին Ավետիք Իսահակյանի <<Մի մրահոն աղջիկ տեսա...>> բանաստեղծությունը նկարների միջոցով.
4. <<Արձակ>>. սա ութերորդցի Վահագնի տաղավարն էր, որը լի էր հայ, ռուս, արտասահմանյան գրականության գրքերով, ընթերցվեցին հյուրերի ընտրած գրքերից հատվածներ, իսկ այցելուները դուրս եկան նվեր- գրքերով, ասույթներով.
5. <<Պոեզիա>>. այստեղ էլ Սոֆյան էր 8 ա դասարանից` պատրաստ ընթերցելու այցելուների հավանած բանաստեցծությունները. նա էլ գիրք նվիրեց դպրոցին.
6. <<Մի գրքի պատմություն>>. վեցերորդցի Անահիտը խոսեց Թոթովենցի <<Կյանքը հին հռովմեական ճանապարհի վրա>> գրքի` մինչև ընթերցողի սեղանին հասնելը անցած դժվար ուղու մասին. նրա պատրաստած նվերներն էլ յուրօրինակ էին.
7. <<Խճանկար>>. վեցերորդ դասարանցի Ալինան, Նելլին, Լևոնը, Քրիստինեն հավաքեցին գրքի մասին ասույթներով խճանկար` փազլ, դրանց տեսքով բացիկներն էլ նվերներ դարձան:
Այստեղ հյուրերի շրջայցն ընդհատեց Գիքոր-Արսենի /7-րդ դաս./ կանչը` Էստի համեցե~ք…
Ու բոլորը հյուրընկալվեցին Ամենայն հայոց բանաստեղծին. այստեղ արդեն Թումանյանի մասին հետաքրքիր տեղեկություններ էին, բանաստեղծություններ, իսկ կլոր սեղանի շուրջ նստած` թեյում էին <<ընտանիքի անդամները>>` կինը` Վարդուհի-Օլգան, աղջիկները` Աշխեն-Լիլիթն ու Թամար-Արփինեն, ովքեր հուշեր էին պատմում մեծ գրողից: Հետո նրանք հարցեր առաջարկեցին հանդիսատեսին, պատասխանողները ստացան նրանց պատրաստած մրցանակները, իսկ 7բ դասարանն օրվա խորհրդով գրքեր նվիրեց դպրոցի տնօրենին ու գրադարանին:
Ու սկսվեց <<Բարեկենդանը>>. վեցերորդցիներ Մանեն, Մարիամը, Արսենը, Լաուրան ու Իզաբելլան հեքիաթի` իրենց հետաքրքիր ու ժամանակակից մեկնաբանությամբ ժպիտ ու ուրախություն պարգևեցին բոլորին:
Տեսա՞ք, բա որ ասում ենք` համեցե~ք, այստեղ շա~տ հետաքրքիր տոնավաճառ է~…
Կհասցնեք, դեռ 2 օր կա…
Ավելի ճիշտ` շտապեք, մնացել է 2 օր…
19. 02. 2014
Եվ այսպես` օր 2-րդ` <<Տաղավարներում ընթերցասերներն են: Թումանյանին հյուր>> վերնագրով:
Դպրոցի նախասրահում իսկական տոնավաճառ էր, աշխարհում թերևս հազվադեպ տոնավաճառներից մեկը, ուր հնչում է տարատեսակ ընթերցանություն, իսկ այցելուներն էլ տաղավարներից հեռանում են նվերներով ծանրաբեռնված:
Բայց ամեն ինչ պատմենք սկզբից:
Ուսուցչուհի Գ. Գալստյանը 8ա, 6գ և 7բ /ուս.` Մ. Հուսեփյան/ դասարանների աշակերտներին առաջարկել էր ստեղծել տոնավաճառային տաղավարներ, ուր ընդհանուրը ընթերցանությունն էր լինելու, իսկ տարբերիչը` ընթերցանության մատուցման ձևը` տարատեսակ, բազմաբնույթ, իրար չկրկնող նախագծերը: Աշակերտները, ովքեր ոգևորվեցին գաղափարից, լծվեցին գործի. սկսեցին որոնողական-ստեղծագործական աշխատանքները:
Դասարանները նմանվեցին մեղվանոցների:
Եվ քանի որ աշակերտներին տրված էր երևակայության ու մտքի լիակատար ազատություն, առաջարկվում էին մեկը մյուսից զարմանալի ու հիացմունքի արժանի գաղափարներ:
Ուսուցչուհուն մնում էր միայն հասցնել դրանք մշակել, ուղղորդել, համակարգել:
Եվ ահա թե ինչ ստացվեց. ձևավորվեցին հետևյալ տաղավարները`
1. <<Գարնան պես ջերմ, Մոր պես թանկ…>>. վեցերորդցիներ Մարիամն ու Արսենը գարնան թարմությամբ ու մայրական ջերմությամբ լի բանաստեղծություններ ընթերցեցին, և այցելուներին ճանապարհեցին իրենց կողմից պատրաստված բացիկներով.
2. <<Դարձվածքներ>>. վեցերորդցիներ Պետրոսն ու Արթուրը խոսեցին դարձվածքներից, բացատրեցին մի քանիսի իմաստը, ցուցադրեցին դրանց համապատասխան նկարներ` արված ուղիղ և փոխաբերական իմաստներով, իսկ տաղավարի նկարիչ Էրիկը հյուրերի ընտրած թվահամարի ներքո գտնվող դարձվածքները տեղում նկարեց և նվիրեց.
3. <<Պատկերազարդ ընթերցանություն>>. երբևէ փորձե՞լ եք ընթերցել նկարներով. ութերորդցի Էլենն ու Մարիամն այցելուներին սովորեցրին Ավետիք Իսահակյանի <<Մի մրահոն աղջիկ տեսա...>> բանաստեղծությունը նկարների միջոցով.
4. <<Արձակ>>. սա ութերորդցի Վահագնի տաղավարն էր, որը լի էր հայ, ռուս, արտասահմանյան գրականության գրքերով, ընթերցվեցին հյուրերի ընտրած գրքերից հատվածներ, իսկ այցելուները դուրս եկան նվեր- գրքերով, ասույթներով.
5. <<Պոեզիա>>. այստեղ էլ Սոֆյան էր 8 ա դասարանից` պատրաստ ընթերցելու այցելուների հավանած բանաստեցծությունները. նա էլ գիրք նվիրեց դպրոցին.
6. <<Մի գրքի պատմություն>>. վեցերորդցի Անահիտը խոսեց Թոթովենցի <<Կյանքը հին հռովմեական ճանապարհի վրա>> գրքի` մինչև ընթերցողի սեղանին հասնելը անցած դժվար ուղու մասին. նրա պատրաստած նվերներն էլ յուրօրինակ էին.
7. <<Խճանկար>>. վեցերորդ դասարանցի Ալինան, Նելլին, Լևոնը, Քրիստինեն հավաքեցին գրքի մասին ասույթներով խճանկար` փազլ, դրանց տեսքով բացիկներն էլ նվերներ դարձան:
Այստեղ հյուրերի շրջայցն ընդհատեց Գիքոր-Արսենի /7-րդ դաս./ կանչը` Էստի համեցե~ք…
Ու բոլորը հյուրընկալվեցին Ամենայն հայոց բանաստեղծին. այստեղ արդեն Թումանյանի մասին հետաքրքիր տեղեկություններ էին, բանաստեղծություններ, իսկ կլոր սեղանի շուրջ նստած` թեյում էին <<ընտանիքի անդամները>>` կինը` Վարդուհի-Օլգան, աղջիկները` Աշխեն-Լիլիթն ու Թամար-Արփինեն, ովքեր հուշեր էին պատմում մեծ գրողից: Հետո նրանք հարցեր առաջարկեցին հանդիսատեսին, պատասխանողները ստացան նրանց պատրաստած մրցանակները, իսկ 7բ դասարանն օրվա խորհրդով գրքեր նվիրեց դպրոցի տնօրենին ու գրադարանին:
Ու սկսվեց <<Բարեկենդանը>>. վեցերորդցիներ Մանեն, Մարիամը, Արսենը, Լաուրան ու Իզաբելլան հեքիաթի` իրենց հետաքրքիր ու ժամանակակից մեկնաբանությամբ ժպիտ ու ուրախություն պարգևեցին բոլորին:
Տեսա՞ք, բա որ ասում ենք` համեցե~ք, այստեղ շա~տ հետաքրքիր տոնավաճառ է~…
Կհասցնեք, դեռ 2 օր կա…
Ավելի ճիշտ` շտապեք, մնացել է 2 օր…
