,,Ինչու՞ ընթերցել, ինչպե՞ս ընթերցել,,
Փետրվարի 18-ին, ինչպես նախապես հայտարարված էր, դպրոցում մեկնարկեց Մայրենիի օր պետական տոնի շրջանակներում կազմակերպված ԸՆԹԵՐՑԱՆՈՒԹՅԱՆ ՏՈՆԱՎԱՃԱՌ խորագրով ուսումնական քառօրյա միջոցառումների շարքը: Նախագծողն ու հեղինակը հայոց լեզվի և գրականության ուսուցչուհի Գայանե Գալստյանն է; Թե ինչու է ամեն ինչ տոնական, արդեն հասկանալի է, իսկ վաճառքը կատարվում է միայն ու միայն մեր` դպրոցական արժույթով. դա ուշադրությունն է:
Եվ այսպես` 1-ին օր. այն ուներ <<Ինչու՞ ընթերցել, ինչպե՞ս ընթերցել>> վերնագիրը, ներկայացնում էր 5գ դասարանը:
Օրը հագեցած էր զարմանահրաշ փաստերով, ճիշտ ու սահուն ընթերցելու գաղտնիքների ուսումնասիրությամբ: Աշակերտները տեղեկացրին, թե ինչ է գիրքը, որի մասին այդքան խոսում ենք, ու որի դերն այդքան արժևորում ենք մեր կյանքում, ինչ կազմություն ու պատմություն ունի այն: Շեշտադրված էր այն, թե ինչու է գիրք կարդալն անհրաժեշտ. ինչով է ընթերցումն օգտակար: Ու հինգերորդցիները հանդիսատեսին <<համոզեցին>>, որ ընթերցելն անհետացնում է լարվածությունը, ինքնավստահություն է հաղորդում, մարզում է ուղեղը, սովորեցնում է կենտրոնանալ, զարգացնում է բառապաշարը և երևակայությունը: Հետո սկսեցին ճիշտ, արտահայտիչ ընթերցելու իրենց դասը: Եվ որպես ասվածների վառ ապացույց` ունկնդրեցին հայտնի մարդկանց` գրողների, ասմունքողների ընթերցումներ /տեսագրություններ/: Հուզիչ էր Ինեսայի խոսքը. ինչ զգացողություններ է ունենում մարդ գիրք ընթերցելիս, իրեն շատ դուր եկած գիրքն ընթերցելիս. նա ներկայացրեց իր ապրումները:
Հանդիսատեսին հետաքրքրեց, որ ընթերցանության հանդեպ սերը կարող է դառնալ նաև կտավի սյուժե. աշակերտները խոսեցին ուկրաինացի նկարիչ Օլեգ Շչուպլյակի` կլանված ընթրցանության տեսարան ներկայացնող աշխատանքից:
Իսկ դուք գիտե՞ք, թե ինչպես էին ընթերցում Մաքսիմ Գորկին ու Ստալինը, Օնորե դը Բալզակն ու Նապոլեոնը... Կիմանայիք, եթե ներկա լինեիք 186-ի նախասրահում, ուր և անցկացվում է տոնավաճառը:
Իսկ ի՞նչ է կատարվում տոնավաճառի տաղավարներում, ի՞նչ հուշանվերներ են պատրաստել <<վաճառողները>> այցելուների համար, ինչպիսի՞ հարցում անցկացրին ութերորդցիները դպրոցի 5-9 դասարաններում. վիճակագրություն…
Հետաքրքրե՞ց:
Առջևում մայրենիաշատ, բազմաբնույթ երեք օրերն են. շտապե՜ք:
Սիրով սպասում ու հյուրընկալում ենք բոլոր ընթերցասերներին:
Փետրվարի 18-ին, ինչպես նախապես հայտարարված էր, դպրոցում մեկնարկեց Մայրենիի օր պետական տոնի շրջանակներում կազմակերպված ԸՆԹԵՐՑԱՆՈՒԹՅԱՆ ՏՈՆԱՎԱՃԱՌ խորագրով ուսումնական քառօրյա միջոցառումների շարքը: Նախագծողն ու հեղինակը հայոց լեզվի և գրականության ուսուցչուհի Գայանե Գալստյանն է; Թե ինչու է ամեն ինչ տոնական, արդեն հասկանալի է, իսկ վաճառքը կատարվում է միայն ու միայն մեր` դպրոցական արժույթով. դա ուշադրությունն է:
Եվ այսպես` 1-ին օր. այն ուներ <<Ինչու՞ ընթերցել, ինչպե՞ս ընթերցել>> վերնագիրը, ներկայացնում էր 5գ դասարանը:
Օրը հագեցած էր զարմանահրաշ փաստերով, ճիշտ ու սահուն ընթերցելու գաղտնիքների ուսումնասիրությամբ: Աշակերտները տեղեկացրին, թե ինչ է գիրքը, որի մասին այդքան խոսում ենք, ու որի դերն այդքան արժևորում ենք մեր կյանքում, ինչ կազմություն ու պատմություն ունի այն: Շեշտադրված էր այն, թե ինչու է գիրք կարդալն անհրաժեշտ. ինչով է ընթերցումն օգտակար: Ու հինգերորդցիները հանդիսատեսին <<համոզեցին>>, որ ընթերցելն անհետացնում է լարվածությունը, ինքնավստահություն է հաղորդում, մարզում է ուղեղը, սովորեցնում է կենտրոնանալ, զարգացնում է բառապաշարը և երևակայությունը: Հետո սկսեցին ճիշտ, արտահայտիչ ընթերցելու իրենց դասը: Եվ որպես ասվածների վառ ապացույց` ունկնդրեցին հայտնի մարդկանց` գրողների, ասմունքողների ընթերցումներ /տեսագրություններ/: Հուզիչ էր Ինեսայի խոսքը. ինչ զգացողություններ է ունենում մարդ գիրք ընթերցելիս, իրեն շատ դուր եկած գիրքն ընթերցելիս. նա ներկայացրեց իր ապրումները:
Հանդիսատեսին հետաքրքրեց, որ ընթերցանության հանդեպ սերը կարող է դառնալ նաև կտավի սյուժե. աշակերտները խոսեցին ուկրաինացի նկարիչ Օլեգ Շչուպլյակի` կլանված ընթրցանության տեսարան ներկայացնող աշխատանքից:
Իսկ դուք գիտե՞ք, թե ինչպես էին ընթերցում Մաքսիմ Գորկին ու Ստալինը, Օնորե դը Բալզակն ու Նապոլեոնը... Կիմանայիք, եթե ներկա լինեիք 186-ի նախասրահում, ուր և անցկացվում է տոնավաճառը:
Իսկ ի՞նչ է կատարվում տոնավաճառի տաղավարներում, ի՞նչ հուշանվերներ են պատրաստել <<վաճառողները>> այցելուների համար, ինչպիսի՞ հարցում անցկացրին ութերորդցիները դպրոցի 5-9 դասարաններում. վիճակագրություն…
Հետաքրքրե՞ց:
Առջևում մայրենիաշատ, բազմաբնույթ երեք օրերն են. շտապե՜ք:
Սիրով սպասում ու հյուրընկալում ենք բոլոր ընթերցասերներին:
