Հեռուստակամուրջ Երևան-Միտիշչի
Փետրվարի 18-ին կայացավ Երևան-Միտիշչի (Մոսկվայի մարզ) հեռուստակամուրջը, որին մասնակցում էին Երևանի հ.186 և Միտիշչիի հ.8 դպրոցների 6ա դասարանների աշակերտները։ Հեռուստակամուրջի նախաձեռնողը ռուսաց լեզվի և գրականության ուսուցչուհի Սվետլանա Ալեքսանդրովնան է: Ներկա էր հ.186 դպրոցի տնօրեն Մարինե Քոչարյանը։ Հանդիպումը անցավ անկեղծ, բարեկամական մթնոլորտում։ Երեխաները միմյանց հարցեր էին ուղղում երկրի, քաղաքի, դպրոցի, դպրոցական կյանքի, սովորույթների, տոների, սպորտի մասին և պատասխանում էին դրանց։ Հանդիպման ավարտին երեխաները փոխանակեցին իրենց էլեկտրոնային փոստի հասցեները և որոշեցին շարունակել շփումը առցանց։ Նրանք իրենց նոր ընկերներին հրավիրեցին այցելել Հայաստան։ Հրավերքը Միտիշչիի աշակերտների կողմից ընդունվեց մեծ ուրախությամբ։ 6ա-ի աշակերտները շատ լավ էին խոսում ռուսերեն։ Իրենց վրա առանձնակի ուշադրություն հրավիրեցին հեռուստակամրջի հաղորդավար Կոլոսով Կարենը, Սարգսյան Ժաննան և Մալխասյան Սամվելը։ Նմանատիպ շփումները շատ կարևոր են առանձնապես այժմ, երբ իրադարձությունը աշխարհում բավականին բարդ է։
