Ճպարհորդություն Ֆրանսիայով

Կրկին եռուզեռ էր Երեւանի հ. 186 հիմնական դպրոցում: Այս անգամ առիթը Ֆրանկոֆոնիան էր: Ապրիլի 15 - ից Հայաստանում մեկնարկել է Ֆրանկոֆոնիայի միջազգային օրվան նվիրված միամսյակը եւ մեր դպրոցն էլ անմասն չէ, քանի որ դպրոցում որպես 3 - րդ օտար լեզու, սկսած 5 - րդ դասարանից , պարտադիր դասավանդվում է ֆրանսերեն լեզուն: Կազմակերպվել էր միջոցառում,,, Ճանապարհորդություն Ֆրանսիայով, խորագրով: Ֆրանսերեն ուսումնասիրող յուրաքանչյուր դասարան ընտրել էր Ֆրանսիայի մի մարզ եւ մասնակիցները մտովի շրջեցին Ֆրանսիայի մարզերով: Միջոցառումը բազմաբովանդակ էր: Մի տեղ շեշտը դրված էր ազգային տարազի վրա, մի այլ տեղ կարեւորվել էր խոհանոցը: Քանի որ Պրովանսում շատ շոգ է, մասնակիցներին տրամադրեցին ծղոտե գլխակներ, իսկ Նորմանդիա հասնելիս, անձրեւանոցներ: Քանի որ ճանապարհորդությունը կատարվում էր գնացքով, ողջ դպրոցը ողոված էր գնացքի անիվների աղմուկով ու սուլոցով:
Մջոցառումը եզրափակվեց Ֆրանսիայի եւ նրա մարզերի մասին պատմող տեսաֆիլմի ցուցադրումով : Այնուհետեւ 5բ դասարանի աշակերտները ներկայացրեցին թե ինչ է Ֆրանկոֆոնիան ֆրանսերեն լեզվով: Վերջում աշակերտները երգեցին Ֆրանկոֆոնիայի հիմնը:
Բոլոր մասնակիցները եւ հանդիսատեսը շատ տպավորված էին եւ յուրաքանչյուրն իր հոգում տարավ մի փոքրիկ մասնիկ Ֆրանսիայից:

---