Միասին և ավելի ապահով բացահայտենք թվային աշխարհը: Կառուցենք կամուրջներ սերունդների միջև:
Այս կարգախոսով առաջնորդվելով 6ա դասարանում տեղի ունեցավ բաց դաս նվիրված Ապահով Համացանցի օրվան: Ներկա էին նաև ծնողներ և ուսուցիչներ:
Դասը սկսվեց մի  տեսահոլովակի ցուցադրությամբ, որը մի պատմություն էր, որը իրականում տեղի էր ունեցել 6ա դասարանի աշակերտ Նիկողոսյան Ալբերտի հետ և ակնառու օրինակ էր թե ինչ կարող է լինել Համացանցից օգտվելու տարրական կանոնները չիմանալու դեպքում: Այնուհետև ներկայացվեց safe.am կայքը: Ծնողների ուշադրությունը հրավիրվեց այն նյութերին, որոնք դասագրքի ձևով, չափազանց մանրամասն ու մատչելի, ամենակարևորը հայալեզու, ներկայացված են կայքում: Աշակերտները ծանոթացան համացանցից օգտվելու ոսկե կանոններին, այնուհետև թեստերի միջոցով ստուգեցին իրենց ձեռք բերած գիտելիքները:
Դասը թե ծնողների, թե աշակերտների համար շատ ուսանելի էր: