«Ապրենք միասին, սովորենք միասին»
26.02 - 02.03 հ.186 դպրոցում անցկացվեց ուսուցչական համակազմի վերապատրաստման 24 ժամ տևողությամբ 4-օրյա դասընթաց` «Ապրենք միասին, սովորենք միասին. որակյալ ներառական կրթություն ստանալու երեխայի իրավունքը» ծրագրով: Աշխատանքն իր մեջ ներառում էր ներառական կրթությանը վերաբերող օրենսդրական մի շարք հարցերի, օրենքներում եղած փոփոխությունների, լրացումների մասին տեղեկատվություն, ուսուցման գործընթացում դրանց արդյունավետ կիրառման մի շարք հարցերի քննարկում: Ուսուցիչներին ներկայացվեցին` Միջազգային փաստաթղթերը` որպես ՀՀ-ում համընդհանուր ներառական կրթությանն անցման նախապայման: «Հանրակրթության մասին» ՀՀ օրենքում լրացումները և փոփոխությունները որպես օրենսդրական կարևոր նախաձեռնություն «Հանրակրթությանմասին» ՀՀ օրենքում լրացումներ և փոփոխություններ կատարելու մասին» ՀՀ օրենքից բխող իրավական ակտերի ընդունումը «Համընդհանուր ներառական կրթության համակարգի ներդրման գործողությունների պլանը և ժամանակացույցը հաստատվելուց հետո: Ներառական կրթության առկավիճակը Հայաստանի Հանրապետությունում Հատուկ, ինտեգրված և ներառական կրթությանձևերը: Հաշմանդամության բժշկական և սոցիալական մոդելները: CLAP-ի մուլտֆիլմի դիտում: «Կրթության որակի բարձրացում» ԿԱՊԿՈՒ երեխաների համար ֆինանսավորման բարձրացված չափաքանակի սանդղակի սահմանումը: Բուռն քննարկումների առիթ դարձան կրթության առանձնահատուկ պայմանների կարիք ունեցող երեխաների խնդիրները: Անցկացվեց դիտարկում, լրացվեցին դիտարկման քարտեր, խոսվեց ուսուցանող, ամփոփիչ գնահատումների մասին: Հնրավարո չէ խոսել ներառական կրթության մասին չանդրադառնալ ԱՈՒՊ-ին: Մանրամասնորեն խոսվեց, թե ի՞նչ է ԱՈՒՊ-ը, որոնք են ԱՈՒՊ-ի օրինակելի ձևի բաղադրիչները, ԱՈՒՊ-ի բնութագրումները և բովանդակությունը, ԱՈՒՊ-ի կազմման և գործնական կիրառման համար դպրոցի տնօրենների, ուսումնական աշխատանքների գծով տնօրենի տեղակալների, ուսուցիչների, մանկավարժահոգեբանական աջակցության թիմի հատուկ մանկավարժի, հոգեբանի, սոցիալական աշխատողի և այլնի, ուսուցչի օգնականների, աշակերտների ծնողների, սովորողների դերերն ու պարտականությունները: Դասընթացը վարում էր հոգեբան Անուշ Ալեքսնայնաը /ԿԱԻ/: 5-րդ օրը անցկացվեց ամփոփում <<Հույսի կամուրջ>> կազմակերպության մասնագետների հետ:
