Դեպի նոր ճանապարհներ
25. ուրբաթ. 2018 թվական: Դահլիճ մի´ ասա, ժպիտի, բարության, ջերմության, ընկերության, միասնականության մի աշխարհ ասա… Դարձյալ հավաքվեցին իններորդցիները, առաջարկեցին Վերջին դասն անցկացնել ոչ թե դասարաններում, այլ դպրոցի բեմում, միասին. չէ՞ որ նրանք միասնական էլ եղել էին դպրոցական կյանքում: Ու սկսվե՜ց… Երգ… Պար… Կատակ… Ծիծաղ… Մաղթանքներ, ուղերձներ, խորհուրդներ… Եվ, իհարկե, շնորհակալություն… Մեկական վարդեր՝ որպես խոր երախտագիտության խորհրդանիշներ, գունագեղ ժապավեններով կապված վարդեր՝ որպես ուսուցիչների հետ անբաժանելի կապի խորհրդանիշներ.. Տնօրենն էլ մատուցեց իր անակնկալը՝ ինը տարիների անցած ճանապարհը ամրագրած տեսաերիզ… Ձեզ բարի ճամփա, մեր լա´վ իններորդցիներ… Ձեզ հաստատ կամք, հանդիպած խոչընդոտները հաղթահարելու ուժ ու իմաստնություն, մեր լա´վ իններորդցիներ…
