Ուրախ զատիկ
Heppy Easter
Սուրբ Զատիկը ինչպես հայերիս, այնպես էլ քրիստոնյա մյուս ազգերի կյանքում առանձնանում է հետաքրքիր ավանդույթներով: Սուրբ Հարության` Զատկի տոնի առթիվ կազմակերպվեց ուշագրավ միջոցառում, որտեղ ներկայացվեց, թե ինչպես է նշվում Հարության տոնը Հայաստանում և Մեծ Բրիտանիայում: Տոնակատարությունը մեկնարկեց գեղեցիկ ցուցահանդեսով, այնուհետև` դահլիճում կազմակերպված թեմատիկ միջոցառմամբ, որտեղ աշակերտները հայերեն և անգլերեն մեկնաբանում էին տոնի խորհուրդը` զուգակված երգ ու պարով, թատերական բեմադրություններով: Միջոցառմանը հյուրընկալվել էին Նոր Նորք վարչական շրջանի ղեկավար Արմեն Ուլիխանյանը, Նոր Նորք վարչական շրջանի ուսումնական հաստատությունների տնօրեններ, ծնողներ և այլք: Շնորհավորելով ներկաներին Հարության տոնի առթիվ` Նոր Նորք վարչական շրջանի ղեկավար Արմեն Ուլիխանյանը և դպրոցի տնօրենը առանձնահատուկ կարևորեցին միջոցառման դերը, որպես կրթամշակութային յուրօրինակ կամուրջ Հայաստանի և Մեծ Բրիտանիայի միջև: Միջոցառման ավարտին հյուրերին աշակերտները նվիրեցին իրենց կողմից պատրաստած թեմատիկ հուշանվերներ` ամբողջացնելով օրվա տոնական տրամադրությունը:
