Միջոցառում՝ նվիրված կանանց միամսյակին
Մարտի 24-ին 186 հիմնական դպրոցի 3դ դասարանում ռուսաց լեզվի ուսուցիչներ Մ․ Քոչարյանն ու Ա Սահակյանը կազմակերպել էին միջոցառում՝ նվիրված կանանց միամսյակին։ Ներկա էին ուսումնական գծով տնօրենի տեղակալ Մ․ Հուսեփյանը, կազմակերպչական գծով տնօրենի տեղակալ Մ․ Պողոսյանը, Լ Սարդարյանը, «Օտար լեզուների» մ/մ նախագահ Ա․ Մուսաելյանը, դասվար Հ․ Հովսեփյանը, ծնողներ։ Ծնողներին կազմակերպիչները նախօրոք հրավիրատոմսեր էին ուղարկել։ Դասարանը գեղեցիկ զարդարված էր։ Երաժշտության ներքո աշակերտները ներկայացան, արտասանեցին, բարեմաղթանքի խոսքեր ուղղեցին ծնողներին, ուսուցիչներին, ծաղիկներ նվիրեցին։ Աշակերտները հագնված էին տոնին համապատասխան, ունեին ծաղիկ- կրծքանշաններ,հրաշալի տիրապետում էին ռուսաց լեզվին, արտասանում ռուսերենին բնորոշ առոգանությամբ։ Միջոցառման ավարտին ելույթ ունեցավ տնօրեն Մ․ Քոչարյանը, շնորհակալություն հայտնեց ուսուցիչներին, երեխաներին։ Ելույթ ունեցան նաև «Օտար լեզուների» մ/մ նախագահը, դասղեկը։ Նրանք գովեստի խոսքեր ուղղեցին կազմակերպիչներին, աշակերտներին։
